Hyderabad fire safety : నగరంలో వరుసగా జరుగుతున్న అగ్ని ప్రమాదాల నేపథ్యంలో HYDRAA (హైడ్రా) అప్రమత్తమైంది. ప్రజల ప్రాణాలు, ఆస్తులను రక్షించేందుకు హైదరాబాద్ అంతటా అగ్ని భద్రతపై ప్రత్యేక అవగాహన కార్యక్రమాలను చేపట్టింది. వాణిజ్య సముదాయాలు, షాపింగ్ మాల్స్, కార్యాలయాలు, జనసాంద్రత ఎక్కువగా ఉన్న ప్రాంతాల్లో ఈ చర్యలు ముమ్మరంగా కొనసాగుతున్నాయి.
ఇటీవల నాంపల్లిలో జరిగిన భారీ అగ్ని ప్రమాదం సహా పలు సంఘటనలు అధికారులను ఆందోళనకు గురిచేశాయి. తనిఖీల్లో అనేక భవనాల్లో ఫైర్ సేఫ్టీ నిబంధనలు సరిగా అమలు కావడం లేదని బయటపడింది. దీంతో వ్యాపార సంస్థలకు భద్రతా ప్రమాణాలు తప్పనిసరిగా అమలు చేసేందుకు ఒక నెల గడువు ఇచ్చారు.
Read Also: India US tariff: గుడ్ న్యూస్.. భారత్ పై టారిఫ్లు తగ్గించిన ట్రంప్
ఈ కార్యక్రమాల్లో భాగంగా ఫైర్ ఎక్స్టింగ్విషర్ల వాడకం, ఆటోమేటిక్ వాటర్ స్ప్రింక్లర్లు, స్మోక్ డిటెక్టర్లు ఎలా పనిచేస్తాయో ప్రాక్టికల్ డెమోలతో చూపిస్తున్నారు. అత్యవసర పరిస్థితుల్లో ఎలా బయటపడాలి? ఫైర్ ఎగ్జిట్ మార్గాలు ఎక్కడ ఉంటాయి? వంటి విషయాలపై కార్మికులకు శిక్షణ ఇస్తున్నారు. పంజాగుట్ట, మాదాపూర్, గచ్చిబౌలి, దిల్సుఖ్నగర్, బంజారాహిల్స్, సికింద్రాబాద్ వంటి 30కి పైగా ప్రాంతాల్లో మాక్ డ్రిల్స్ నిర్వహించారు.
ఏదైనా ప్రమాదం సంభవించిన వెంటనే 101 నంబర్కు లేదా హైడ్రా కంట్రోల్ రూమ్కు సమాచారం ఇవ్వాలని అధికారులు సూచించారు. ఈ చర్యలతో నగరంలో అగ్ని ప్రమాదాల నివారణ సాధ్యమవుతుందని హైడ్రా భావిస్తోంది.
Read hindi news : hindi.vaartha.com
Epaper : epapervaartha.com
Read Also: