భారత వాతావరణ శాఖ (IMD) తాజాగా విడుదల చేసిన నివేదిక ప్రకారం, తెలంగాణ(Telangana)లో జూలై 1న భారీ వర్షాలు కురిసే అవకాశం ఉంది. ముఖ్యంగా భూపాలపల్లి, ములుగు, కొత్తగూడెం జిల్లాల్లో భారీ వర్షాలకు అవకాశం ఉన్నందున అక్కడ ఎల్లో అలర్ట్ జారీ చేశారు. వర్షాల కారణంగా లోతట్టు ప్రాంతాల్లో జాగ్రత్తలు తీసుకోవాలని అధికారులు సూచిస్తున్నారు.
మిగతా జిల్లాల్లో మోస్తరు వర్షాలు
తెలంగాణలోని ఇతర జిల్లాల్లో మాత్రం తేలికపాటి నుంచి మోస్తరు వర్షాలు పడే అవకాశం ఉందని IMD తెలిపింది. ఈ వర్షాల కారణంగా పంటలకు, నీటి నిల్వలకు కొంత మేలు జరుగుతుంది. అయితే అప్పుడప్పుడు గాలివానలుగా మారే అవకాశం ఉండటంతో ప్రజలు బయటకి వెళ్లేటప్పుడు జాగ్రత్తలు తీసుకోవాలని సూచిస్తున్నారు.
ఆంధ్రప్రదేశ్లో వర్ష సూచన
ఇక ఆంధ్రప్రదేశ్లోనూ వర్షాలు పడే సూచనలు కనిపిస్తున్నాయి. APSDMA విడుదల చేసిన సమాచారం ప్రకారం, కాకినాడ, కోనసీమ, తూర్పు & పశ్చిమ గోదావరి, ఏలూరు, కృష్ణా, ఎన్టీఆర్, గుంటూరు, శ్రీకాకుళం, విజయనగరం, విశాఖ జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉంది. రైతులు, ప్రయాణికులు వాతావరణ పరిస్థితులను గమనించి తగిన జాగ్రత్తలు తీసుకోవాలని సూచిస్తున్నారు.
Read Also : Sigachi Plant Explosion : పేలుడు సమయంలో 700-800 డిగ్రీల టెంపరేచర్!