ఆంధ్రప్రదేశ్ రాష్ట్రంలో రైతులకు శుభవార్త అందింది. రాష్ట్రవ్యాప్తంగా ధాన్యం కొనుగోళ్లు ఈ నెల 27వ తేదీ నుంచి ప్రారంభం కానున్నాయని ఆహార, పౌర సరఫరాల మంత్రి నాదెండ్ల మనోహర్ ప్రకటించారు. ఈ సీజన్లో ధాన్యం కొనుగోళ్లకు సంబంధించిన అన్ని ఏర్పాట్లు పూర్తి చేశామని ఆయన తెలిపారు. 3,013 రైతు సేవా కేంద్రాలు, 2,061 ధాన్యం కొనుగోలు కేంద్రాలు మరియు దాదాపు 10,700 మంది సిబ్బంది ఈ కార్యక్రమంలో పాల్గొంటారని వెల్లడించారు. రైతులు తమ పంటను ఎలాంటి ఇబ్బంది లేకుండా విక్రయించేందుకు, ప్రతి మండలంలో పర్యవేక్షణ బృందాలను ఏర్పాటు చేసినట్లు తెలిపారు.
Breaking News – AP Electrical trade unions: సమ్మె విరమించిన విద్యుత్ ఉద్యోగ సంఘాలు
మంత్రి మనోహర్ మాట్లాడుతూ, ఈ ఏడాది సీజన్లో 51 లక్షల టన్నుల ధాన్యం కొనుగోలు చేయాలన్న లక్ష్యంతో ప్రభుత్వం కృషి చేస్తోందని పేర్కొన్నారు. ధాన్యం కొనుగోలు కేంద్రాలకు మిల్లర్లను సమన్వయం చేయడం, రవాణా సౌకర్యాలు అందించడం వంటి అంశాల్లో ప్రత్యేక దృష్టి పెట్టామని అన్నారు. ప్రతి క్వింటల్కు సరైన మినిమమ్ సపోర్ట్ ప్రైస్ (MSP) చెల్లించడమే కాకుండా, తూకంలో అవకతవకలు జరగకుండా పర్యవేక్షణ బృందాలు నిరంతరం తనిఖీలు చేస్తాయని ఆయన తెలిపారు. రైతులు తాము తెచ్చిన ధాన్యం నిల్వ చేయడానికి తగిన గోదాములు, షెడ్లు ఏర్పాటు చేసినట్లు కూడా వివరించారు.
రైతులకు త్వరితగతిన చెల్లింపులు జరగడం ఈ సారి కొనుగోళ్ల ప్రధాన లక్ష్యమని మంత్రి స్పష్టం చేశారు. 24 గంటల నుంచి గరిష్టంగా 48 గంటల్లో రైతుల బ్యాంక్ ఖాతాల్లో నగదు జమ చేయబడుతుందని హామీ ఇచ్చారు. ఇందుకోసం ప్రత్యేక సాఫ్ట్వేర్ సిస్టమ్ను ఉపయోగిస్తున్నామని తెలిపారు. రైతులు మధ్యవర్తులపై ఆధారపడకుండా నేరుగా ప్రభుత్వ కేంద్రాలకు రావాలని, తమ ధాన్యాన్ని సురక్షితంగా విక్రయించాలని సూచించారు. ఈ చర్యలతో ప్రభుత్వం రైతులకు ఆర్థిక భద్రత కల్పించడమే కాకుండా, రాష్ట్ర ధాన్యం ఉత్పత్తి వ్యవస్థను మరింత పారదర్శకంగా మార్చే దిశగా ముందడుగు వేస్తోందని మంత్రి పేర్కొన్నారు.
Read hindi news: https://hindi.vaartha.com
Epaper : https://epaper.vaartha.com/