తెలంగాణ రాష్ట్ర ప్రభుత్వం మద్యం ప్రియులకు (Alcohol Lovers) శుభవార్త అందించింది. రాష్ట్రంలో కొత్తగా మైక్రో బ్రూవరీలు, అంటే చిన్న స్థాయి బీర్ తయారీ కేంద్రాలను ఏర్పాటు చేయడానికి క్యాబినెట్ ఆమోదం తెలిపింది. ఇది ముఖ్యంగా నగరాలు, పట్టణాల్లో బీర్ లవర్స్కి హంగులతో కూడిన కొత్త అనుభవాన్ని అందించనుంది.
ప్రతి 5 కి.మీ.కు ఒక బ్రూవరీ – ప్రభుత్వం గైడ్లైన్లు
ఈ నిర్ణయం ప్రకారం.. నగర ప్రాంతాల్లో ప్రతి 5 కిలోమీటర్లకు ఒక మైక్రో బ్రూవరీ ఏర్పాటు చేయవచ్చని నిర్ణయించింది. పట్టణ ప్రాంతాల్లో అయితే 30 కిలోమీటర్లకు ఒకటి చొప్పున అనుమతులు ఇవ్వనున్నట్లు తెలుస్తోంది. దీంతో బీర్ ప్రియులకు తమ ప్రాంతంలోనే తక్కువ ఖర్చుతో, ఫ్రెష్ బీర్ను ఆస్వాదించే అవకాశం లభించనుంది. నగర జీవితానికి ఇదో కొత్త అడిషన్గా చెప్పవచ్చు.
త్వరలో లైసెన్సుల నోటిఫికేషన్
ఈ కొత్త నిర్ణయాన్ని త్వరలో అమలులోకి తేవడానికి మద్యం షాపుల లైసెన్సులకు సంబంధించిన నోటిఫికేషన్లు త్వరలో విడుదల చేయనున్నట్లు సమాచారం. రాష్ట్ర ఆదాయాన్ని పెంచుకోవడానికి ఇది ఒక కీలక చర్యగా భావిస్తున్నారు అధికారులు. అదే సమయంలో ఇది మద్యం వినియోగాన్ని నియంత్రించే విధంగా కూడా ఉండాలని ప్రభుత్వ వర్గాలు అంటున్నాయి. శానిటేషన్, నిబంధనలు పాటించేలా మైక్రో బ్రూవరీల నిర్వహణపై కఠిన నియంత్రణలు ఉంటాయన్న సమాచారం.
Read Also : Makhana :మధుమేహం ఉన్నవారు మఖానా తింటే ఏమవుతుందో తెలుసా..