తెలంగాణ రాష్ట్రంలో ఉన్నత విద్యా సంస్థల బంద్ కొనసాగుతోంది. ఇప్పటికే నాలుగు రోజులు పూర్తవడంతో విద్యార్థులు, తల్లిదండ్రులు, అధ్యాపకులు ఆందోళన చెందుతున్నారు. డిగ్రీ, పీజీ, ఇంజినీరింగ్, ఫార్మసీ వంటి అన్ని ప్రొఫెషనల్ కళాశాలలు మూతపడ్డాయి. ఫీ రీయింబర్స్మెంట్ బకాయిలు విడుదల చేయాలన్న డిమాండ్తో “ఫతి” (ఫెడరేషన్ ఆఫ్ టీచర్స్ అండ్ ఇన్స్టిట్యూట్స్) పిలుపునిచ్చిన ఈ బంద్ రాష్ట్రవ్యాప్తంగా విస్తృతంగా కొనసాగుతోంది. ప్రభుత్వంపై ఒత్తిడి పెంచేందుకు అన్ని ప్రైవేట్ కళాశాలల నిర్వాహకులు ఏకమై బంద్ను కొనసాగిస్తున్నారు.
Latest News: Bihar Elections: శాంతియుతంగా ముగిసిన బిహార్ తొలి విడత ఎన్నికలు
ఫతి ప్రతినిధులు వెల్లడించిన వివరాల ప్రకారం, రాష్ట్ర ప్రభుత్వం రూ.10వేల కోట్ల ఫీ రీయింబర్స్మెంట్ బకాయిలను క్లియర్ చేయకపోవడం వల్ల పరిస్థితి విషమంగా మారిందని చెప్పారు. ఇందులో కనీసం రూ.5వేల కోట్లు వెంటనే విడుదల చేయాలని, మిగతా రూ.5వేల కోట్లను వచ్చే పది నెలల్లో, నెలకు రూ.500 కోట్ల చొప్పున చెల్లించాలని డిమాండ్ చేస్తున్నారు. రీయింబర్స్మెంట్ బకాయిలు వలన కళాశాలలు ఆర్థికంగా కుదేలైపోయాయని, విద్యార్థులకు సేవలు అందించడంలో ఇబ్బందులు ఎదురవుతున్నాయని వారు ఆవేదన వ్యక్తం చేశారు. చాలా కాలేజీల్లో విద్యుత్, అద్దె, నిర్వహణ ఖర్చులు కూడా తీర్చలేని స్థితి ఏర్పడిందని తెలిపారు.
అధ్యాపకులు జీతాలు పొందలేకపోవడం ఈ సంక్షోభానికి మరో రూపమని ఫతి నేతలు పేర్కొన్నారు. బకాయిలు విడుదలయ్యే వరకు బంద్ కొనసాగుతుందని వారు స్పష్టం చేశారు. విద్యార్థుల భవిష్యత్తు దెబ్బతినకముందే ప్రభుత్వం స్పందించి చెల్లింపులు ప్రారంభించాలని విద్యాసంస్థల ప్రతినిధులు విజ్ఞప్తి చేశారు. ఒకవైపు ప్రభుత్వ పథకాల వల్ల విద్యార్థులు ఫీజు చెల్లించలేకపోతే, మరోవైపు బకాయిలు చెల్లించకపోవడం వల్ల కళాశాలలు మూసివేయాల్సిన దుస్థితి ఏర్పడిందని వారు పేర్కొన్నారు. విద్యారంగం స్థిరంగా నిలబడాలంటే ప్రభుత్వం తక్షణ చర్యలు తీసుకోవాలని నిపుణులు సూచిస్తున్నారు.
Read hindi news: https://hindi.vaartha.com
Epaper : https://epaper.vaartha.com/
