నేషనల్ హైవేలపై సుదీర్ఘ ప్రయాణాలు చేసేటప్పుడు ఒక్కోసారి ఊహించని విధంగా వాహనంలో ఇంధనం (పెట్రోల్/డీజిల్) అయిపోవడం లేదా ఇంజిన్ మొరాయించడం వంటి సమస్యలు ఎదురవుతుంటాయి. నిర్మానుష్య ప్రాంతాల్లో ఇలాంటి పరిస్థితి వస్తే వాహనదారులు తీవ్ర ఆందోళనకు గురవుతుంటారు. అయితే, ఇలాంటి సమయాల్లో మీకు సాయం చేసేందుకు భారత జాతీయ రహదారుల సంస్థ (NHAI) ప్రత్యేక వ్యవస్థను ఏర్పాటు చేసింది. మీరు వెంటనే ‘1033’ అనే టోల్ ఫ్రీ నంబర్కు కాల్ చేస్తే, జీపీఎస్ ఆధారంగా మీ లొకేషన్ను గుర్తించి నిమిషాల్లోనే హైవే పెట్రోలింగ్ టీమ్ మీ వద్దకు చేరుకుంటుంది. కేవలం ఇంధనం మాత్రమే కాదు, ఇతర చిన్నపాటి సాంకేతిక సమస్యల పరిష్కారానికి కూడా ఈ బృందం తోడ్పాటు అందిస్తుంది.
Nimmala RamaNaidu: ఉత్తరాంధ్రకు గోదావరి జలాలు: సుజల స్రవంతికి రూ.600 కోట్లు కేటాయింపు
ఈ సేవల ప్రత్యేకత ఏమిటంటే, ఇవి వారంలో ఏడు రోజులు, 24 గంటల పాటు అందుబాటులో ఉంటాయి. ఒకవేళ మీ బండిలో పెట్రోల్ అయిపోతే, మీరు నిర్ణీత ధర చెల్లించి 5 లీటర్ల వరకు పెట్రోల్ లేదా డీజిల్ పొందే వెసలుబాటు ఉంది. దీనివల్ల సమీపంలోని బంకు వరకు వెళ్లే ఇబ్బంది తప్పుతుంది. కేవలం ఇంధనం సరఫరానే కాకుండా, ప్రమాదాలు జరిగినప్పుడు అంబులెన్స్ సేవలు, వాహనం చెడిపోతే క్రేన్ సహాయంతో టోయింగ్ చేయడం (Towing) వంటి అత్యవసర సేవలను కూడా 1033 బృందం సమన్వయం చేస్తుంది. నేషనల్ హైవేపై ప్రయాణించే ప్రతి ఒక్కరూ ఈ నంబర్ను తమ మొబైల్లో సేవ్ చేసుకోవడం వల్ల ఆపద సమయంలో సురక్షితంగా బయటపడవచ్చు.
Read Also hindi news: hindi.vaartha.com
Read Also Epaper : epaper.vaartha.com
Read Also :
