కేంద్ర ప్రభుత్వం చేపట్టిన “ఆపరేషన్ కగార్” పై మావోయిస్టులు తీవ్రంగా స్పందించారు. మావోయిస్టు పార్టీ కేంద్ర అధికార ప్రతినిధి అభయ్ పేరుతో విడుదల చేసిన ప్రకటనలో, ఈ ఆపరేషన్ను పూర్తిగా వ్యతిరేకిస్తున్నట్లు తెలిపారు. అక్టోబర్ 23వరకు దేశవ్యాప్తంగా నిరసన కార్యక్రమాలు నిర్వహిస్తున్నట్లు పేర్కొన్నారు. ఈ ఆపరేషన్ పేరుతో ప్రభుత్వం ఆదివాసీలపై, అరణ్య ప్రాంతాల్లో నివసించే ప్రజలపై అణచివేత చర్యలు చేపడుతోందని ఆరోపించారు. కగార్ ఆపరేషన్ను తక్షణమే నిలిపివేయాలని డిమాండ్ చేశారు.
Latest News: Aravind: ఓలా ఉద్యోగి ఆత్మహత్య
ప్రకటనలో అభయ్ పేర్కొన్నదేమిటంటే, “కగార్ ఆపరేషన్ ప్రజలపై యుద్ధం లాంటిదే. దీనివల్ల సాధారణ ప్రజలు, రైతులు, గిరిజనులు తీవ్ర ఇబ్బందులు ఎదుర్కొంటున్నారు. ఇది ప్రజాస్వామ్యానికి విరుద్ధం” అని అన్నారు. ప్రభుత్వ దళాలు మావోయిస్టుల పేరుతో నిరపరాధులను వేధిస్తున్నాయని, గ్రామాలపై సైనిక దాడులు జరుపుతున్నాయని అభయ్ ఆరోపించారు. ప్రజలు ఈ అణచివేతకు వ్యతిరేకంగా సమగ్ర ప్రజా ఉద్యమాన్ని నిర్మించాలని, ప్రభుత్వం తమ విధానాన్ని పునరాలోచించాలని ఆయన పిలుపునిచ్చారు.
ఇక అక్టోబర్ 24వ తేదీ (శుక్రవారం)న భారత్ బంద్ ను విజయవంతం చేయాలని పార్టీ పిలుపునిచ్చింది. ప్రతిపక్ష పార్టీలు, ప్రజాస్వామ్యవాద సంస్థలు, కార్మిక సంఘాలు, విద్యార్థి సంఘాలు తమ మద్దతు ప్రకటించాలని కోరింది. మావోయిస్టుల ఈ ప్రకటనతో కేంద్ర భద్రతా సంస్థలు అప్రమత్తమయ్యాయి. గిరిజన ప్రాంతాల్లో, సరిహద్దు అడవి మండలాల్లో భద్రతను మరింత కఠినతరం చేయాలని రాష్ట్ర ప్రభుత్వాలు సూచనలు అందుకున్నాయి. ఇప్పుడు ఆపరేషన్ కగార్పై కేంద్రం, మావోయిస్టుల మధ్య విభేదాలు మరింత తీవ్రమవుతాయన్న సంకేతాలు వ్యక్తమవుతున్నాయి.
Read hindi news: https://hindi.vaartha.com
Epaper : https://epaper.vaartha.com/
