సూపర్ స్టార్ రజినీకాంత్ హీరోగా తెరకెక్కనున్న ‘జైలర్ 2’ (Jailer 2) సినిమాపై అభిమానుల్లో భారీ ఆసక్తి నెలకొంది. తాజాగా ఈ సినిమాకు సంబంధించి ఓ క్రేజీ రూమర్ సినీ వర్గాల్లో హల్చల్ చేస్తోంది. ఈ సారిగా టాలీవుడ్ నందమూరి బాలకృష్ణ ఈ చిత్రంలో ప్రత్యేక పాత్రలో కనిపించనున్నారట. అందులోను ఏపీ పోలీస్ ఆఫీసర్గా బాలయ్యను చూపించనున్నట్లు తెలుస్తోంది. ఇది అభిమానుల్లో ఉత్సాహాన్ని రెట్టింపు చేస్తోంది.
రజినీకాంత్తో కలసి స్క్రీన్ మీద భారీ ఎలివేషన్
ఈ వార్తల ప్రకారం, బాలకృష్ణ (Balakrishna) పాత్ర సినిమాలో కీలకంగా ఉండనుందట. ఆయన రజినీకాంత్తో కలసి స్క్రీన్ మీద భారీ ఎలివేషన్ సీన్లో కనిపించనున్నారని సమాచారం. ఈ సీన్ సుమారు 5 నిమిషాలపాటు సాగుతుందని, అభిమానులను థియేటర్లలో ఫెస్టివల్ మూడ్లోకి తేవడమే లక్ష్యమని టాక్. బాలయ్య పవర్ఫుల్ డైలాగ్స్, రజినీ స్టైల్కు ఈ కాంబినేషన్ పెద్ద హైలైట్ అవుతుందనే ఊహాగానాలు వినిపిస్తున్నాయి.
‘అఖండ 2’ మూవీతో బిజీ
ప్రస్తుతం బాలకృష్ణ బోయపాటి శ్రీను దర్శకత్వంలో తెరకెక్కుతున్న ‘అఖండ 2’ మూవీతో బిజీగా ఉన్నారు. ఈ సినిమాలో ఆయన మళ్లీ అఘోరా అవతారంలో దర్శనమివ్వనున్నారు. ఇదిలా ఉంటే, ‘జైలర్ 2’లో బాలయ్య పాత్రపై త్వరలోనే అధికారిక ప్రకటన వెలువడే అవకాశం ఉందని సమాచారం. ఇది నిజమైతే, తెలుగు-తమిళ సినీ అభిమానులకు ఇది భారీ విజువల్ ట్రీట్ కానుంది.
Read Also : Free Bus in AP : మరో 2 నెలల్లో ఉచిత బస్సు ప్రయాణం – అచ్చెన్న
