ఆంధ్రప్రదేశ్ ముఖ్యమంత్రి చంద్రబాబు నాయుడుపై వైఎస్సార్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి తీవ్రస్థాయిలో విమర్శలు గుప్పించారు. నర్సీపట్నం పర్యటనలో మాట్లాడుతూ ఆయన, “పేదవాడి విద్య, ఆరోగ్య భవిష్యత్తును చంద్రబాబు నాశనం చేస్తున్నాడు” అని ఆగ్రహం వ్యక్తం చేశారు. కరోనా మహమ్మారి సమయంలో కూడా ప్రభుత్వ నిధులతో నర్సీపట్నం మెడికల్ కాలేజీకి రూ.500 కోట్లతో పనులు ప్రారంభించామని గుర్తుచేశారు. ఆ కాలేజీ ద్వారా ప్రతి సంవత్సరం 150 మంది విద్యార్థులు వైద్య విద్యా సీట్లు పొందేలా ప్రణాళిక రూపొందించామని అన్నారు.
Latest News: CP Sajjanar: ట్రాన్స్జెండర్ల వేధింపులపై ట్వీట్.. సీపీ సజ్జనార్ ఏమన్నారంటే?
తమ పాలనలో ప్రజల ఆరోగ్యం, విద్యా అవకాశాలను విస్తరించాలనే ఉద్దేశంతో ప్రతి జిల్లాకు ఒకటి చొప్పున మొత్తం 17 మెడికల్ కాలేజీల నిర్మాణానికి శ్రీకారం చుట్టామని తెలిపారు. ఆ ప్రాజెక్టులు పూర్తయితే రాష్ట్రంలో వైద్య సౌకర్యాలు విప్లవాత్మకంగా మెరుగుపడేవని చెప్పారు. అయితే ప్రస్తుత ప్రభుత్వం వాటిని ప్రైవేటు రంగానికి అప్పగించాలనే ఆలోచనలో ఉందని ఆయన ఆరోపించారు. “ప్రభుత్వ నిధులతో నిర్మించిన కాలేజీలను ప్రైవేటు చేతుల్లోకి ఇవ్వడం అంటే పేద విద్యార్థుల భవిష్యత్తుపై తాళం వేయడమే” అని అన్నారు.
జగన్ వ్యాఖ్యలతో రాజకీయ వర్గాల్లో చర్చ మొదలైంది. వైఎస్సార్సీపీ నేతలు ఈ అంశాన్ని పేద, మధ్యతరగతి కుటుంబాలపై ప్రభావం చూపే నిర్ణయమని పేర్కొంటున్నారు. మరోవైపు టిడిపీ వర్గాలు మాత్రం ఇది “ఆరోగ్య రంగం సామర్థ్యాన్ని పెంచే సంస్కరణాత్మక నిర్ణయం” అని వాదిస్తున్నాయి. నర్సీపట్నం మెడికల్ కాలేజీ విషయంలో జగన్ చేసిన విమర్శలు రాబోయే రోజుల్లో వైఎస్సార్సీపీకి రాజకీయంగా బలం చేకూర్చే అవకాశముంది. రాష్ట్ర రాజకీయాల్లో ప్రభుత్వ మెడికల్ సంస్థల భవితవ్యమే ఇప్పుడు ప్రధాన చర్చగా మారింది.
Read hindi news: https://hindi.vaartha.com
Epaper : https://epaper.vaartha.com/
