దక్షిణ మయన్మార్, ఉత్తర అండమాన్ సముద్రం పరిసరాల్లో ఏర్పడిన ఆవర్తనం (Cyclonic Circulation) స్థిరంగా కొనసాగుతోందని భారత వాతావరణ శాఖ వెల్లడించింది. ఈ వ్యవస్థ ప్రభావంతో ఇవాళ (నవంబర్ 2) తూర్పు-మధ్య బంగాళాఖాతంలో అల్పపీడనం (Low Pressure Area) ఏర్పడే అవకాశం ఉందని అంచనా వేసింది. వాతావరణ నిపుణుల ప్రకారం, ఈ అల్పపీడనం మరికొన్ని రోజుల్లో బలపడి ఒక డిప్రెషన్ లేదా తుపాన్ దశకు చేరే అవకాశం ఉంది. అయితే, దాని దిశ, గమ్యం ఆధారంగా భవిష్యత్ ప్రభావం నిర్ణయించబడుతుందని అధికారులు పేర్కొన్నారు.
Breaking News – Tragedy in Kenya: కెన్యా లో కొండచరియలు విరిగిపడి 21మంది మృతి
ఇక వాతావరణ శాఖ తాజా విశ్లేషణ ప్రకారం, ఈ కొత్త వాతావరణ వ్యవస్థ బంగ్లాదేశ్ తీర ప్రాంతాల వైపుకు కదిలే అవకాశం ఉందని స్పష్టం చేసింది. అందువల్ల ప్రస్తుతం ఈ వ్యవస్థకు తెలుగు రాష్ట్రాలపై ఎటువంటి ముప్పు లేదని తెలిపింది. “ఈ దిశలో పశ్చిమంగా కదలిక కనిపించడం లేదు. అందువల్ల ఆంధ్రప్రదేశ్, తెలంగాణ రాష్ట్రాల్లో వర్షాలకు పెద్దగా అవకాశం ఉండదని” వాతావరణ నిపుణులు అభిప్రాయపడ్డారు. అయితే, సముద్రం మీద గాలుల వేగం కొంత పెరగవచ్చని, మత్స్యకారులు జాగ్రత్తగా ఉండాలని సూచనలు జారీ చేశారు.
మరోవైపు, ఏపీలో ఈశాన్య రుతుపవనాలు బలహీనంగా ఉన్నాయని వాతావరణ శాఖ తెలిపింది. దీని ఫలితంగా, కోస్తా జిల్లాల్లో తేలికపాటి వర్షాలు, మేఘావృత వాతావరణం కనిపించే అవకాశం ఉన్నప్పటికీ, పెద్ద ఎత్తున వర్షాలు కురిసే పరిస్థితి లేదని పేర్కొంది. సాధారణంగా ఈశాన్య రుతుపవనాల సమయంలో నవంబర్ నెలలో కోస్తా ఆంధ్రలో భారీ వర్షాలు కురుస్తుంటాయి. అయితే ప్రస్తుత పరిస్థితుల్లో మాన్సూన్ గాలులు బలహీనంగా ఉండడంతో వ్యవసాయరంగం ఆందోళన వ్యక్తం చేస్తోంది. వాతావరణ శాఖ రానున్న మూడు రోజులపాటు బంగాళాఖాతంలోని మార్పులను పరిశీలించి, తుపాన్ ఏర్పడే అవకాశం ఉంటే ముందస్తు హెచ్చరికలు విడుదల చేయనున్నట్లు ప్రకటించింది.
Read hindi news: https://hindi.vaartha.com
Epaper : https://epaper.vaartha.com/
