పశ్చిమ ఆసియాలో నెలకొన్న యుద్ధ మేఘాలు ప్రపంచ ఇంధన రంగాన్ని అతలాకుతలం చేస్తున్నాయి. హార్ముజ్ జలసంధి మూతబడటంతో వరుసగా గల్ఫ్ దేశాలు చమురు ఉత్పత్తిని నిలిపివేస్తుండటం ప్రపంచవ్యాప్తంగా ఆందోళన కలిగిస్తోంది.
ఇరాన్ దాడులు మరియు ప్రపంచ వాణిజ్యానికి వెన్నెముక వంటి హార్ముజ్ జలసంధి (Strait of Hormuz) మూతబడటంతో, ఒపెక్ (OPEC) కూటమిలో 5వ అతిపెద్ద దేశమైన కువైట్ చమురు ఉత్పత్తిని, ఎగుమతులను పూర్తిగా నిలిపివేస్తున్నట్లు ప్రకటించింది. సగటున రోజుకు 2.6 మిలియన్ బ్యారెళ్ల చమురును ఉత్పత్తి చేసే కువైట్ వంటి దేశం ఈ నిర్ణయం తీసుకోవడం అంటే, అంతర్జాతీయ మార్కెట్కు భారీ స్థాయిలో సరఫరా నిలిచిపోవడమే. ఇప్పటికే ఖతర్, ఇరాక్ దేశాలు తమ ఉత్పత్తిని ఆపేయగా, తాజాగా యూఏఈ (UAE) కూడా ఉత్పత్తిని తగ్గించుకుంటున్నట్లు వెల్లడించింది. యుద్ధం కారణంగా సముద్ర మార్గాల్లో నౌకల ప్రయాణం ప్రమాదకరంగా మారడం మరియు చమురు క్షేత్రాలపై దాడుల ముప్పు పొంచి ఉండటంతోనే ఈ దేశాలు ఈ కఠిన నిర్ణయానికి మొగ్గు చూపాయి.
Read Also ; Kaveri Travels bus incident : ట్రావెల్స్ బస్సులో పొగలు, భయంతో పరుగులు తీసిన ప్రయాణికులు
ఈ చమురు ఉత్పత్తి నిలిపివేత ప్రభావం నేరుగా భారత్ వంటి భారీగా ఇంధనాన్ని దిగుమతి చేసుకునే దేశాలపై పడనుంది. సరఫరా మరియు డిమాండ్ మధ్య భారీ వ్యత్యాసం ఏర్పడటంతో అంతర్జాతీయ మార్కెట్లో ముడి చమురు ధరలు (Crude Oil Prices) రికార్డు స్థాయికి చేరే అవకాశం ఉంది. హార్ముజ్ జలసంధి ద్వారానే ప్రపంచంలోని 20 శాతం చమురు రవాణా జరుగుతుంది, అది మూతబడటం వల్ల రవాణా వ్యవస్థ పూర్తిగా చిన్నభిన్నమైంది. యుద్ధ పరిస్థితులు చక్కబడి, పరిస్థితులు అనుకూలించే వరకు ఉత్పత్తిని పునరుద్ధరించే ప్రసక్తే లేదని కువైట్ తెగేసి చెప్పింది. దీనివల్ల రాబోయే రోజుల్లో పెట్రోల్, డీజిల్ ధరలు పెరగడమే కాకుండా, విమానయానం మరియు రవాణా రంగాలు తీవ్ర సంక్షోభంలో కూరుకుపోయే ప్రమాదం ఉంది.
Read Also hindi news: hindi.vaartha.com
Read Also Epaper : epaper.vaartha.com
Read Also :