మైక్రోసాఫ్ట్ వ్యవస్థాపకుడు బిల్ గేట్స్ తన వ్యక్తిగత జీవితం మరియు వివాదాస్పద లైంగిక నేరగాడు జెఫ్రీ ఎప్స్టీన్తో ఉన్న సంబంధాలపై సంచలన వ్యాఖ్యలు చేశారు. ‘ఎప్స్టీన్ ఫైల్స్’ బహిర్గతం కావడంతో గేట్స్ ఫౌండేషన్ ప్రతిష్టకు భంగం కలగడంపై ఆయన తన సిబ్బందికి బహిరంగంగా క్షమాపణలు చెప్పారు. గతంలో రష్యన్ బ్రిడ్జ్ క్రీడాకారిణి మిలా ఆంటోనోవాతో తనకు అఫైర్ ఉన్న మాట నిజమేనని, ఆ విషయాన్ని ఎప్స్టీన్ తెలుసుకుని తనను బ్లాక్ మెయిల్ చేయడానికి ప్రయత్నించాడని గేట్స్ అంగీకరించారు. ఎప్స్టీన్ను కలవడం తన జీవితంలో చేసిన అతిపెద్ద తప్పు అని, దాతృత్వ కార్యక్రమాల కోసం నిధుల సేకరణ ఉద్దేశంతోనే అతడిని కలిశానని, అయితే అది ఊహించని వివాదాలకు దారితీసిందని ఆయన ఆవేదన వ్యక్తం చేశారు.
Basara IIIT Student Suicide: బాసర ట్రిపుల్ ఐటీలో విద్యార్థిని సూసైడ్
ఈ వివాదంపై గేట్స్ వివరణ ఇస్తూ.. ఎప్స్టీన్ బాధితులతో తనకు ఎటువంటి సంబంధం లేదని మరియు తాను ఎప్పుడూ చట్టవిరుద్ధమైన పనులకు పాల్పడలేదని స్పష్టం చేశారు. కేవలం ఒక అఫైర్ విషయాన్ని అడ్డం పెట్టుకుని ఎప్స్టీన్ తనను బెదిరించాడని, అయితే లైంగిక వేధింపుల కేసులతో తనకు ఎటువంటి సంబంధం లేదని ఆయన నొక్కి చెప్పారు. తన వ్యక్తిగత తప్పిదాల వల్ల ఫౌండేషన్ సిబ్బంది మరియు ప్రపంచవ్యాప్తంగా ఉన్న తన అభిమానులు ఇబ్బంది పడటంపై ఆయన విచారం వ్యక్తం చేశారు. ఈ మొత్తం వ్యవహారం గేట్స్ వ్యక్తిగత ప్రతిష్టపై ప్రభావం చూపినప్పటికీ, భవిష్యత్తులో ఫౌండేషన్ పనులపై పూర్తి దృష్టి సారిస్తానని ఆయన పునరుద్ఘాటించారు.
Read Also hindi news: hindi.vaartha.com
Read Also Epaper : epaper.vaartha.com