మాజీ మంత్రి, బీఆర్ఎస్ నేత హరీష్రావును హైదరాబాద్ పోలీసులు అరెస్ట్ చేయడం రాజకీయంగా సంచలనంగా మారింది. గురువారం ఉదయం ఎమ్మెల్యే పాడి కౌశిక్ రెడ్డి ఇంటి వద్దకు హరీష్ రావు వెళ్లగా, పోలీసులు లోపలికి వెళ్లకుండా అడ్డుకుని, ఆయన్ను అరెస్ట్ చేశారు. ఈ ఘటనలో హరీష్ రావు అనుచరులు, పోలీసుల మధ్య వాగ్వాదం చోటుచేసుకుంది. చివరికి హరీష్ రావును గచ్చిబౌలి పోలీస్స్టేషన్కు తరలించారు.
పాడి కౌశిక్ రెడ్డిపై విధులకు ఆటంకం కలిగించినందుకు కేసు నమోదైంది. ఈ ఆరోపణలతో ఆయనను కొండాపూర్లో అరెస్ట్ చేశారు. విషయం తెలుసుకున్న హరీష్ రావు అక్కడికి వెళ్లడంతో, ఈ పరిణామాలు మరింత మలుపు తిరిగాయి. కౌశిక్ రెడ్డి అరెస్టు నేపథ్యంలో హరీష్ రావు తన మద్దతు తెలియజేయడానికి అక్కడికి వెళ్లారని బీఆర్ఎస్ శ్రేణులు తెలిపారు. ఇదిలా ఉంటె హరీష్ రావుపై ఫోన్ ట్యాపింగ్ కేసు నమోదైన సంగతి తెలిసిందే. ఈ కేసును రాజకీయం చేయడానికే ఫిర్యాదు దాఖలు అయ్యిందని హరీష్ రావు ఆరోపించారు. తనపై కేసు నిరాధారమని, న్యాయస్థానం ద్వారా తీర్పు సాధించేందుకు హైకోర్టును ఆశ్రయించారు. పోలీసులు ప్రాథమిక విచారణ జరపకుండానే కేసు నమోదు చేయడం అన్యాయమని ఆయన అభిప్రాయపడ్డారు.
