ఓటమికి పురస్కారం.. పాకిస్థాన్ తీరుపై బీజేపీ ఘాటు విమర్శ
ఆపరేషన్ సిందూర్ అనంతరం భారత్‌ను టార్గెట్ చేయబోయి తీరా ఘోర పరాజయం చవిచూసిన పాకిస్థాన్, ఇప్పుడు తన ఓటమిని ఘనంగా సెలబ్రేట్ చేసుకుంటోందని బీజేపీ తీవ్రంగా విమర్శించింది. భారత సైన్యం ఉగ్రవాద స్థావరాలపై చేసిన ఎదురుదాడిలో పాకిస్థాన్ తీవ్రంగా నష్టపోయిన సంగతి తెలిసిందే. కానీ అలాంటి పర్యవసానాల తర్వాత కూడా పాక్ సైన్యాధ్యక్షుడు అసీమ్ మునీర్‌కు ప్రభుత్వం ‘ఫీల్డ్ మార్షల్’ అనే అత్యున్నత సైనిక పదోన్నతి ప్రకటించింది. దీనిపై బీజేపీ (BJP) సోషల్ మీడియా విభాగం అధినేత అమిత్ మాలవీయ కఠినంగా స్పందించారు. ఒక వైఫల్యానికి అవార్డు (Award for failure) ఇచ్చినట్టుగా పాకిస్థాన్ వ్యవహరిస్తోందని ఆయన పేర్కొన్నారు.
సింధూర శక్తి చూపిన భారత సైన్యం.. ఉగ్ర శిబిరాల ఊచకోత
ఆపరేషన్ సిందూర్ పేరుతో భారత సైన్యం ఇటీవల పాక్ ఆక్రమిత కశ్మీర్ (పీఓకే) లోని ఉగ్రవాద స్థావరాలపై భారీ దాడికి దిగింది. ఈ ఆపరేషన్‌లో భారత ఆర్మీ దాదాపు 9 ఉగ్ర స్థావరాలను పూర్తిగా ధ్వంసం చేసింది. అంతేకాకుండా పాక్ సైనిక సదుపాయాలను టార్గెట్ చేస్తూ 13 వైమానిక స్థావరాలు, జాతీయ ఎయిర్ డిఫెన్స్ (National Air Defense) వ్యవస్థలను భంగం చేసింది. శత్రువు వినియోగించే వందలాది డ్రోన్లను ధ్వంసం చేయడంతోపాటు, 70 మందికి పైగా పాక్ సైనికులను నెత్తుటి నీటిలో ముంచేసింది. ఈ విధంగా ప్రతీకార చర్యగా భారత సైన్యం చేసిన ఈ ‘ఆపరేషన్ సిందూర్’ విజయవంతంగా పూర్తయింది. కానీ తీరా ఓటమిని అంగీకరించకుండా, పైగా తన ఆర్మీ చీఫ్‌ను అభినందించడం పాక్ అసలైన వైఫల్యానికి నిదర్శనమని భారత రాజకీయ నాయకులు చెబుతున్నారు.
అసీమ్ మునీర్‌కు పదోన్నతి – బీజేపీ వ్యంగ్యంగా స్పందన
ఈ నేపథ్యంలో, పాకిస్థాన్ ఆర్మీ చీఫ్ జనరల్ అసీమ్ మునీర్‌కు ‘ఫీల్డ్ మార్షల్’ హోదా ప్రకటించడాన్ని బీజేపీ తీవ్రంగా ఎద్దేవా చేసింది. అమిత్ మాలవీయ తన ట్వీట్‌లో, ‘‘మన సైన్యాన్ని అడ్డుకోవడంలో పూర్తిగా విఫలమైన అసీమ్ మునీర్‌కు పదోన్నతి కల్పించడం చూస్తుంటే, ఇది ఓటమికి గౌరవంగా పరిగణించినట్టుగా ఉంది’’ అని అన్నారు. ఆపరేషన్ సిందూర్‌లో పాకిస్థాన్ తీరని పరాజయం చవిచూసిందనీ, అంతటి నష్టాన్ని మూటగట్టుకున్న నాయకుడికి ఫీల్డ్ మార్షల్ హోదా కల్పించడం వినోదంగా ఉందన్నారు. ఒక దేశం ఇలా పరాజయాన్ని సంతాపించాల్సిన సందర్భంలో, తన ఓటమిని విజయంగా చిత్రీకరించుకోవడం సైనిక నైతికతకు విరుద్ధమని విమర్శించారు.
అంతర్గత ఒత్తిడులను తిప్పిపోసే పాకిస్థాన్ ప్రయత్నం?
పాక్ ప్రభుత్వం అసీమ్ మునీర్‌కు పదోన్నతి ఇచ్చిన విషయాన్ని పలువురు విశ్లేషకులు కూడా గమనిస్తున్నారు. దేశంలో రాజకీయ, ఆర్థిక, సైనిక స్థాయిలో తీవ్ర ఒత్తిడులను ఎదుర్కొంటున్న పాకిస్థాన్… ఇప్పుడు జాతీయం, దేశభక్తి పేరుతో ప్రజలను దారి మళ్లించేందుకు ఇలాంటి నాటకాలు ఆడుతోందని విశ్లేషణలు వినిపిస్తున్నాయి. దేశవ్యతిరేక శక్తులపై భారత్ చూపించిన తీర్పు, ఉగ్రవాదానికి తగిన బుద్ధి చెప్పిన విధానం ప్రపంచం మొత్తం గమనించినా, పాక్ మాత్రం తన పరాజయాన్ని ప్రజలకు ‘విజయం’గా చూపించేందుకు బరితెగించింది.
Read also: Bharath Pakistan: భారత్-పాకిస్తాన్ సీజ్‌ఫైర్: జవాబు దొరకని కొన్ని ప్రశ్నలు
