మార్చి ప్రారంభం నుంచే ఎండలు మండిపోతున్నాయి. ఈ సీజన్‌లో ప్రజలు దాహం తీర్చుకునేందుకు శీతలపానీయాలకు ఎక్కువగా మొగ్గు చూపుతుంటారు. అయితే, మందుబాబుల కోసం ఉత్తర ప్రదేశ్‌లోని వైన్ షాపులు, బార్‌లు ఊహించని ఆఫర్‌ను ప్రకటించాయి. ‘ఒక బీర్ కొంటే మరొక బీర్ ఫ్రీ’ ఆఫర్‌తో షాపుల ముందు మందుబాబులు క్యూ కడుతున్నారు.
ఉత్తర ప్రదేశ్‌లో బీర్ బంపర్ ఆఫర్
యోగి ఆదిత్యనాథ్ సర్కారు ఏప్రిల్ 1 నుండి కొత్త మద్యం పాలసీ అమలు చేయనుంది. ఈ నేపథ్యంలో రాష్ట్రంలోని మద్యం షాపులు తమ స్టాక్‌ను క్లియర్ చేసేందుకు భారీ డిస్కౌంట్లు ప్రకటించాయి. బ్రాండీ, విస్కీ, రమ్, బీర్ లాంటి వివిధ రకాల మద్యంపై 50% నుంచి 70% వరకు తగ్గింపు ఉంది. ఈ ఆఫర్ ప్రకటించినప్పటి నుంచి బీర్ షాపుల ముందు భారీగా జనం చేరుకుంటున్నారు. ఒక బీర్ కొనుగోలు చేస్తే మరొకటి ఉచితంగా లభించడంతో మద్యం ప్రియులు సంతోషం వ్యక్తం చేస్తున్నారు. షాపుల వద్ద నిత్యం ఎప్పుడూ లేనంత రద్దీ కనిపిస్తోంది. కొన్ని బ్రాండెడ్ మద్యం బాటిళ్లు సాధారణ ధరతో పోలిస్తే 70% తక్కువ ధరకే లభిస్తున్నాయి. కొన్ని వ్యాపారులు రూ. 3,000 విలువైన మద్యం బాటిల్‌ను కేవలం రూ. 1,000కే విక్రయిస్తున్నారు. ఈ భారీ తగ్గింపుల కారణంగా సాధారణ రోజులకు పోలిస్తే దుకాణదారులకు 40% ఎక్కువ వ్యాపారం జరిగినట్లు తెలుస్తోంది.
మద్యం ధర తగ్గింపుపై సామాజిక ప్రభావం
ఈ తగ్గింపు ధరలను గమనించిన మందుబాబులు పెద్ద ఎత్తున మద్యం నిల్వ చేసుకునేందుకు ప్రయత్నిస్తున్నారు. తక్కువ ధరల్లో మద్యం లభిస్తోందని తెలుసుకున్న కొందరు వినియోగదారులు భవిష్యత్తులో ఉపయోగించుకునేందుకు ముందుగా ఎక్కువ పరిమాణంలో కొనుగోలు చేస్తున్నారు.మద్యం విక్రయాల పెరుగుదల దృష్ట్యా ఈ ఆఫర్‌ను మరో రెండు రోజులు కొనసాగించే అవకాశమున్నట్లు సమాచారం. వినియోగదారుల స్పందనను బట్టి కొన్ని షాపులు ఈ తగ్గింపు ధరలను మరికొన్ని రోజుల పాటు కొనసాగించేందుకు సిద్ధంగా ఉన్నాయి. ఇలాంటి ఆఫర్లు మందుబాబులకు ఊహించని ఆనందాన్ని ఇచ్చినా, ఆరోగ్యపరంగా ఇది నష్టమేనని వైద్య నిపుణులు హెచ్చరిస్తున్నారు. తక్కువ ధరల్లో ఎక్కువ మద్యం లభిస్తున్న కారణంగా దాని వినియోగం పెరుగుతున్నట్లు తెలుస్తోంది. దీని ప్రభావం నేర స్థాయిపై, కుటుంబ జీవనశైలిపై తీవ్రంగా ఉండొచ్చని నిపుణులు సూచిస్తున్నారు.మార్చి వేసవి ప్రారంభంలోనే ఉత్తర ప్రదేశ్‌లో మద్యం ప్రియులకు పండుగ వాతావరణం ఏర్పడింది. 1+1 ఆఫర్, 70% డిస్కౌంట్ లాంటి ఆకర్షణీయమైన తగ్గింపులు మందుబాబులను మద్యం షాపులవైపు లాగేస్తున్నాయి. అయితే, దీని ప్రభావం ఎలా ఉంటుందనేది త్వరలోనే వెల్లడవుతుంది.
వెంకటేష్ - అనిల్ రావిపూడి కలయికలో తెరకెక్కిన సంక్రాంతికి వస్తున్నాం మూవీ నిన్న సంక్రాంతి సందర్బంగా విడుదలై సూపర్ హిట్ టాక్ సొంతం చేసుకుంది. సినిమా రిలీజ్ Read more
రాబోయే మహాకుంభ ఉత్సవాల్లో పాల్గొనే యాత్రికులకు భద్రతా చర్యలు, మార్గదర్శకాలను కోరుతూ సుప్రీంకోర్టులో ప్రజా ప్రయోజన వ్యాజ్యం (పిల్) దాఖలైంది. సామాజిక కార్యకర్త దాఖలు చేసిన పిటిషన్, Read more
హైదరాబాద్‌: ఇంటర్మీడియట్ వార్షిక పరీక్షలు రేపటి (బుధవారం) నుంచి ప్రారంభం కానున్నాయి. ఈ మేరకు మంగళవారం ముఖ్యమంత్రి రేవంత్ రెడ్డి ఇంటర్ పరీక్ష రాసే విద్యార్థుల కోసం Read more
మహారాష్ట్ర లోని సతారా జిల్లా కు చెందిన నీలమ్ షిండే ఉన్నత విద్య కోసం అమెరికా వెళ్లి అక్కడ ఘోర రోడ్డు ప్రమాదానికి గురైంది.కాలిఫోర్నియాలో నీలమ్ ప్రయాణిస్తున్న Read more