నలభై ఏళ్ల వయస్సు అనగానే చాలామందిలో ఒక భయపూరిత భావన మొదలవుతుంది. ఇప్పుడు శరీరం బలహీనమవుతుంది, అనే ఆలోచనలు మానసికంగా మనల్ని వెనక్కి లాగేస్తుంటాయి. కానీ నిజానికి నలభై ఏళ్ళు జీవితంలో ఓ మైలురాయి మాత్రమే. ఈ వయస్సులో మంచి ఆరోగ్యం, మానసిక స్థైర్యం, శారీరక ఉత్సాహంతో జీవించినవారు, యవ్వనాన్ని కొనసాగించగలరు. ఇక్కడ నలభై దాటి ఆరోగ్యంగా, యవ్వనంగా ఉండేందుకు పాటించాల్సిన కొన్ని ముఖ్యమైన అంశాలను చూద్దాం.
కొన్ని ముఖ్యమైన అంశాలు
ఆరోగ్యకరమైన ఆహారం –
నలభై దాటి శరీరంలోని జీవక్రియలు మారతాయి. మధుమేహం, హై బీపీ, కొలెస్ట్రాల్, థైరాయిడ్ వంటి జీవక్రియ సంబంధిత వ్యాధులు ఈ వయస్సు నుంచి ఎక్కువగా కనిపించటం సహజం. అందుకే వేడి, వెన్న, ఒలివాయిల్ వంటి హెల్తీ ఫాట్స్ తీసుకోవాలి. రోజూ పళ్లూ, కూరగాయలూ తీసుకోవాలి – అందులోనూ గ్రీన్ ఎంతో మేలు చేస్తాయి. కాఫీ, టీ, మాంసాహారం మితంగా తీసుకోవాలి. ప్రొసెస్డ్ ఫుడ్, బేకరీ ఐటమ్స్, శీతలపానీయాలు పూర్తిగా నివారించాలి. తినే సమయానికి తినడం, రాత్రి 8 గంటల తర్వాత తినడం తప్పించుకోవడం ముఖ్యమైంది.
వ్యాయామం – యవ్వనానికి చక్కటి మంత్రం
నలభై దాటాక రోజూ కనీసం 45 నిమిషాల వ్యాయామం తప్పనిసరి. శరీరానికి ఉత్సాహం, మానసిక ప్రశాంతత రెండూ వ్యాయామం వల్లే లభిస్తాయి. నడక, జాగింగ్, యోగా, సైక్లింగ్ లేదా జిమ్ – మీకు అనువైనదాన్ని ఎంచుకోండి. వ్యాయామాన్ని బలవంతంగా కాకుండా ఆనందంగా చేయండి. స్నేహితులతో కలిసి వ్యాయామం చేయడం మోటివేషన్ను పెంచుతుంది. ముఖ్యంగా యోగా, ప్రాణాయామం – నిద్రలేమి, మానసిక ఒత్తిడి, హార్మోన్ సమస్యలకు ఔషధంగా పనిచేస్తుంది.
నిద్ర – ఉచితమైన అద్భుత ఔషధం
ఈ కాలంలో చాలామందికి నిద్ర సమస్య మారుమూల సమస్య అయిపోయింది. టీవీ, మొబైల్, వర్క్ స్ట్రెస్ వంటివి నిద్రను దెబ్బతీస్తున్నాయి. కానీ రోజుకు కనీసం 7–8 గంటల నిద్ర అవసరం. నిద్ర సమయంలో శరీరం బంగారు పదార్ధంలా పునరుత్పత్తి అవుతుంది. మెదడు విశ్రాంతి తీసుకుంటుంది, హార్మోన్లు సమతుల్యంగా పనిచేస్తాయి. మెలటోనిన్ అనే హార్మోన్ నిద్ర సమయంలో విడుదలవుతుంది, ఇది యవ్వనాన్ని నిలబెడుతుంది.
ప్రేమ – ఆరోగ్యానికి అంతరంగిక ఔషధం
భౌతిక ప్రేమ కాదు, భావోద్వేగ ప్రేమ – కుటుంబానికి, భాగస్వామికి, స్నేహితులకు, మనుషుల పట్ల ప్రేమ. ఇది మానసిక ఒత్తిడిని తగ్గిస్తుంది. సెరటొనిన్, డోపమిన్ వంటి హార్మోన్లను విడుదల చేస్తుంది. ప్రేమగా ఉన్న దంపతులు ఎక్కువ కాలం జీవించారని పరిశోధనలు తెలుపుతున్నాయి. ప్రేమలో ఉన్నవారు జీవితం పట్ల ఆసక్తిని కోల్పోరు. ప్రతి మనిషిలో కాస్త కళ పోషణ ఉండాలి మనుషుల్లో బొత్తిగా కళా పోషణ తగ్గిపోతుంది. ఒకప్పుడు కళలకు ఇచ్చిన ప్రాధాన్యత అంతా ఇంతా కాదు. మనిషి సంతోషంగా జీవించాలంటే కళల పట్ల, తమకు ఉన్న అభిరుచుల పట్ల ఆసక్తితో వాటికి కూడా సమయం కేటాయించాలి, ఇవి మనకు కావాల్సిన మానసిక ఉల్లాసాన్ని ఇచ్చి మనలను ప్రశాంతంగా జీవించేలా చేస్తాయి. కనుక నిత్య యవ్వనం ఉండాలంటే పైన పేర్కొన్నవి పాటించి చూడండి.
Read also: Vitamin D:పెరుగుతున్న D విటమిన్ లోపం కేసులు
