అమెరికా అధ్యక్షుడిగా రెండవసారి ప్రమాణస్వీకారం చేసిన రోజునుంచే ట్రంప్ ఏదీ
చేసినా అది మీడియాలో సంచలనంగా మారుతున్నది. నిత్యం ఏదో ఒక వార్తతో ట్రంప్ (Trump)
మీడియాలో హల్చల్ చేస్తున్నారు. తాజాగా అమెరికా మాజీ అధ్యక్షుడు బరాక్ ఒబామా (Barack Obama) ను అరెస్టు చేసినట్లు అధ్యక్షుడు డొనల్డ్ ట్రంప్ ఓ వీడియోను విడుదల చేశారు. దీనికి సంబంధించిన వివరాలు ఇలా ఉన్నాయి. ఓవల్ ఆఫీసులో ఫెడరల్ బ్యూరో ఆఫ్ ఇన్వెస్టిగేషన్
(ఎఫ్బీఐ) అధికారులు ఒబామాను అరెస్టు చేస్తున్నట్లు ఉన్న వీడియోను ట్రంప్ తన సోషల్
మీడియా ట్రూత్లో పోస్టు చేశారు. చట్టానికి ఎవరూ అతీతులు కాదంటూ ఒబామాపై
విమర్శలు గుప్పించారు.
ఒబామా చేతికి సంకెళ్లు.. ట్రంప్ నోటిలో నవ్వులు..
ట్రంప్, ఒబామా (Barack Obama) ఓవల్ ఆఫీసులో మాట్లాడుకుంటుండగా హఠాత్తుగా ఎఫ్బీఐ అధికారులు అక్కడికి వచ్చి, ఒబామాను అరెస్టు చేస్తారు. చేతికి సంకెళ్లు వేసి జైలుకు తీసుకెళ్తారు. ఆ సమయంలో ట్రంప్ హుషారుగా నవ్వుతూ (Trump smiles brightly) కనిపించారు. ప్రస్తుతం ఈ వీడియో వైరల్గా మారింది. ట్రంప్ దుందుడుకు చర్యలపై ఇప్పటికే పలువురు విమర్శిస్తున్నారు. కొన్ని దేశాలు అయితే ట్రంప్ పై ట్రేడ్వార్కు దిగాయి. దేశాలమధ్య స్నేహసంబంధాలను ట్రంప్
దెబ్బతీస్తున్నారంటే విమర్శిస్తున్నారు. వీటిని ఏమీ పట్టించుకోకుండా ట్రంప్ తన సంచలన
నిర్ణయాలను తీసుకుంటూనే ఉన్నారు. ట్రూతోపోస్టులో తన పోస్టింగ్ వ్యాఖ్యల్ని ఆపడం
లేదు .
ఒబామా అరెస్టు అయినట్లుగా వైరలవుతున్న వీడియో నిజమా?
కాదు. ప్రస్తుతం సోషల్ మీడియాలో వైరలవుతున్న బరాక్ ఒబామా అరెస్టు వీడియో ఏఐ ఆధారిత డీప్ఫేక్ (AI-generated Deepfake). ఇది వాస్తవం కాదు. అధికారికంగా ఒబామాపై ఎటువంటి అరెస్టు లేదా కేసు లేదు.
Read hindi news: hindi.vaartha.com
Read also: America: ఇకపై వీటి ఆధారంగానే హెచ్ -1బీ వీసా జారీ!
