ఆస్ట్రేలియా అంతరిక్ష పరిశోధన రంగంలో మైలురాయిగా భావించిన తొలి స్వదేశీ ఆర్బిటల్ రాకెట్ ప్రయోగం విఫలమైంది. గిల్మర్ స్పేస్ టెక్నాలజీస్ (Gilmer Space Technologies) అభివృద్ధి చేసిన ‘ఎరిస్’ రాకెట్ తన మొదటి పరీక్షా ప్రయోగంలో కేవలం 14 సెకన్లలోనే విఫలమవడం దేశానికి పెద్ద షాక్గా మారింది. ఈ ఘటన క్వీన్స్ల్యాండ్లోని బోవెన్ ఆర్బిటల్ స్పేస్పోర్ట్లో చోటుచేసుకోగా, రాకెట్ కూలిపోవడంతో పెద్ద ఎత్తున మంటలు, పొగలు ఆకాశాన్నంటాయి. ఈ అనూహ్య సంఘటన అంతరిక్ష పరిశోధన రంగం శాస్త్రవేత్తలకు నిరాశ కలిగించింది. గిల్మర్ స్పేస్ టెక్నాలజీస్ ‘ఎరిస్’ రాకెట్ను పరీక్షా ప్రయోగం కోసం సిద్ధం చేసింది. ప్రారంభంలో అన్ని వ్యవస్థలు సజావుగా పని చేస్తూ, రాకెట్ విజయవంతంగా లాంచ్ అయినట్లు కనిపించింది. అయితే నింగిలోకి ఎగసిన కేవలం 14 సెకన్లలోనే రాకెట్ ఆకస్మికంగా వేగం కోల్పోయి నియంత్రణ తప్పింది. ఫలితంగా అది కూలిపడి భూమిపై మంటలు చెలరేగాయి. అక్కడున్న సాంకేతిక నిపుణులు (Technical experts) తక్షణమే అత్యవసర చర్యలు తీసుకున్నప్పటికీ, రాకెట్ పూర్తిగా నాశనం అయింది.
తాత్కాలిక ఎదురుదెబ్బగా నిపుణులు భావిస్తున్నారు
అయితే తొలి ప్రయత్నం విఫలం అయినప్పటికీ.. భవిష్యత్తు ప్రయోగాలపై ఆ సంస్థ ఆశాభావం వ్యక్తం చేసింది. ఈ ఘటనలో ఎవరికీ గాయాలు కాలేదని కంపెనీ ఒక లిఖిత పూర్వక ప్రకటనలో ధ్రువీకరించింది. తదుపరి ప్రయోగాన్ని ఆరు నుంచి ఎనిమిది నెలల్లోపు చేపట్టే అవకాశం ఉందని కూడా ఆ ప్రకటనలో పేర్కొంది. ఈ వైఫల్యం ఆస్ట్రేలియా అంతరిక్ష పరిశోధనా ప్రయత్నాలకు తాత్కాలిక ఎదురుదెబ్బగా నిపుణులు భావిస్తున్నారు. గ్లోబల్ స్పేస్ మార్కెట్లో తమదైన ముద్ర వేయాలని ఆశిస్తున్న ఆస్ట్రేలియాకు.. తొలి అడుగులోనే ఇలాంటి దెబ్బ తగలడంతో తదుపరి ప్రాజెక్టుపై మరింత ఫోకస్ చేస్తుందని చెబుతున్నారు.అలాగే పరిశోధన రంగంలో ఇలాంటి వైఫల్యాలు సర్వ సాధారణం అని, వాటి నుంచి నేర్చుకొని ముందుకు సాగాలని నిపుణులు అభిప్రాయపడుతున్నారు.
అంతరిక్షంలో శాస్త్రీయ ఆవిష్కరణకు ఉదాహరణ ఏది?
టెలిస్కోపిక్ పరిశీలనల ఫలితంగా గ్రహాల చుట్టూ చంద్రులు మరియు వలయాలు, మరియు కొత్త గ్రహాలు, తోకచుక్కలు, గ్రహశకలాలు కనుగొనబడ్డాయి; గ్రహాలను ఇతర ప్రపంచాలుగా, భూమిని మరొక గ్రహంగా మరియు నక్షత్రాలను ఇతర సూర్యులుగా గుర్తించడం; సౌర వ్యవస్థను దానికదే ఒక అస్తిత్వంగా గుర్తించడం,యొక్క నిర్ధారణకు దారితీసింది.
నాసా పూర్తి రూపం ఏమిటి?
నాసా అంటే “నేషనల్ ఏరోనాటిక్స్ అండ్ స్పేస్ అడ్మినిస్ట్రేషన్” (National Aeronautics and Space Administration). ఇది అమెరికా అంతరిక్ష పరిశోధన, ఏరోనాటిక్స్ కార్యక్రమాలకు సంబంధించిన సంస్థ.
Read hindi news : hindi.vaartha.com
Read Also: Minister Narayana : సింగపూర్ లో కొనసాగుతున్న మంత్రి నారాయణ పర్యటన-రేపు మలేషియాకు మంత్రి
