ఇక్కడ అమెరికాలోని ఆర్కాన్సాస్ (Arkansas) రాష్ట్రం, వెస్ట్ మెంఫిస్ నగరంలో ఓ చిన్నారుల పాఠశాలలో జరిగిందో విచిత్ర ఘటన. ఫాల్కీ ఎలిమెంటరీ స్కూల్ (Elementary School) తాలూకా గ్రాడ్యుయేషన్ వేడుకలు మామూలుగానే ప్రారంభమయ్యాయి. కానీ వేడుక ముదిరే సరికి, మాంచి వేడెక్కిన గొడవకు వేదికగా మారాయి.మే 28న జరిగిన ఈ గ్రాడ్యుయేషన్ ఈవెంట్కు పిల్లలతో పాటు వారి తల్లిదండ్రులు కూడా భారీగా హాజరయ్యారు. అయితే, ఓ చిన్నపాటి మాటల తేడా పిల్లల తల్లిదండ్రుల మధ్య గొడవకు దారి తీసింది. మొదట్లో మొదలైన ఈ వివాదం, కాసేపటికే పెద్ద గొడవగా మారింది. చివరికి ఒకరిపై ఒకరు పిడిగుద్దులు కురిపించుకునే స్థాయికి వెళ్ళింది.
చిన్నారుల కన్నీటి విజ్ఞప్తి కూడా ఫలించలేదు
ఈ ఘర్షణను చూసి అక్కడున్న చిన్నారులు భయంతో . కొందరు కన్నీళ్లు పెట్టుకొని తమ తల్లిదండ్రులను ఆపాలని వేడుకున్నారు. అయినా పెద్దలు మాత్రం కౌంటర్లే మిగిల్చారు. ఇది కేవలం గొడవే కాదు, చిన్నపిల్లల భద్రతపై వచ్చిన ఓ పెద్ద ప్రశ్నగా మారింది.ఈ గొడవతో సంభంధించిన వీడియోలు క్షణాల్లోనే సోషల్మీడియాలో వైరల్ అయ్యాయి. అందులో చిన్నారుల భయంతో నెమ్మదిగా వెనక్కి వెళ్లడం, తల్లిదండ్రుల పరస్పర దాడులు చూసిన వారంతా షాక్కు గురయ్యారు. వందలాది మంది నెటిజన్లు ఈ ప్రవర్తనపై తీవ్ర ఆగ్రహం వ్యక్తం చేశారు.
యాజమాన్యం స్పందన: కఠిన చర్యలు తీసుకుంటాం
పాఠశాల యాజమాన్యం ఈ సంఘటనపై తీవ్రంగా స్పందించింది. ఇలాంటివి మా పాఠశాలలో జరుగడం దురదృష్టకరం. పిల్లల భద్రత మా మొదటి కర్తవ్యంగా భావిస్తున్నాం. ఈ వ్యవహారంపై పోలీసులకు పూర్తి సహకారం అందిస్తున్నాం, అని అధికారికంగా ప్రకటించింది.
ఎలాంటి గాయాలు కాకపోయినా, సంఘటన ముదిరింది
అనూహ్యంగా జరిగిన ఈ గొడవలో ఎవరికీ గాయాలు కాకపోయినా, దాని ప్రభావం మాత్రం పెద్దదే. చిన్నారుల మానసిక స్థితిపై తీవ్ర ప్రభావం పడింది. వేడుకలుగా మొదలైన ఓ మంచి రోజు, భయానక సంఘటనగా ముగిసింది.ఈ ఘటన పిల్లల భవిష్యత్తుపై ఆలోచించాల్సిన అవసరాన్ని గుర్తు చేస్తోంది. పాఠశాలలు సురక్షిత ప్రదేశాలుగా ఉండాలంటే, పెద్దలే ముందు జాగ్రత్తగా ఉండాలి. మరలా ఇలాంటి ఘటనలు జరగకుండా ముందు జాగ్రత్తలు తీసుకోవడం ఇప్పుడు అత్యవసరం.
Read Also : Donald Trump : చైనాపై మరోసారి డొనాల్డ్ ట్రంప్ తీవ్ర విమర్శలు
