ఆంధ్రప్రదేశ్ రాష్ట్ర ప్రభుత్వం నేడు (ఫిబ్రవరి 28, 2025) పూర్తి స్థాయి బడ్జెట్‌ను ప్రవేశపెట్టనుంది. ఈ కూటమి ప్రభుత్వానికి ఇది తొలి పూర్తి బడ్జెట్ కావడంతో, ప్రజల ఆశలు భారీగా ఉన్నాయి. ఉదయం 10 గంటలకు అసెంబ్లీలో ఆర్థిక మంత్రి పయ్యావుల కేశవ్, మండలిలో మంత్రి కొల్లు రవీంద్ర బడ్జెట్‌ను సమర్పించనున్నారు. బడ్జెట్‌లో ముఖ్యంగా రాష్ట్రాభివృద్ధికి అవసరమైన నిధులను కేటాయించనుండగా, ప్రజలకు మేలు కలిగించే పలు పథకాల అమలుకు ప్రభుత్వం నిధులు కేటాయించే అవకాశముంది.
రాజధాని అమరావతి అభివృద్ధికి ప్రాధాన్యం
ఈసారి బడ్జెట్‌లో “సూపర్ 6” పథకాలకూ, రాజధాని అమరావతి అభివృద్ధికి ప్రాధాన్యం ఇవ్వనున్నట్లు సమాచారం. ముఖ్యంగా ఎన్నికల ముందు హామీ ఇచ్చిన అభివృద్ధి కార్యక్రమాలను అమలు చేయడానికి, నిధుల కేటాయింపులు పెంచే అవకాశం ఉంది. అమరావతి నిర్మాణానికి నిధుల కేటాయింపు పెరగడం ద్వారా రాజధాని నిర్మాణ పనులకు మరింత వేగం వచ్చే అవకాశం ఉంది. రాష్ట్రంలో పేదలకు సంక్షేమ పథకాలను విస్తృతంగా అమలు చేయడం, వ్యవసాయ, విద్య, ఆరోగ్య రంగాలకు పెద్దపీట వేయడం ఈ బడ్జెట్ ప్రధాన లక్ష్యాలుగా ఉండొచ్చు.
ప్రింటింగ్ ఖర్చు తగ్గింపు
ఇక ఈసారి బడ్జెట్ రూపకల్పనలో ఓ ప్రత్యేకత ఉంది. ఇంతకుముందు ముద్రిత పుస్తకాల రూపంలో బడ్జెట్ ప్రతులను అందించేవారు. అయితే, ఈసారి ప్రభుత్వం ప్రింటింగ్ ఖర్చును తగ్గిస్తూ, బడ్జెట్ వివరాలు ఉండే పెన్ డ్రైవ్‌లను సభ్యులకు, మీడియాకు అందించనుంది. ఇది డిజిటల్ విధానాన్ని ప్రోత్సహించడమే కాకుండా, పర్యావరణ పరిరక్షణకు కూడా తోడ్పడే చర్యగా ప్రభుత్వం భావిస్తోంది. మొత్తంగా, ఈ బడ్జెట్ ద్వారా కొత్త ప్రభుత్వం తన విధానాలను ఎలా అమలు చేస్తుందో, రాష్ట్ర అభివృద్ధికి ఎలాంటి నిర్ణయాలు తీసుకుంటుందో అనే ఆసక్తి అందరిలో నెలకొంది.
జనవరిలో ఫ్లెమింగో ఫెస్టివల్ పక్షుల పండుగను మొదలైన సన్నాహాలు తిరుపతి జిల్లా (శ్రీహరికోట )సూళ్లూరుపేటలోని పులికాట్ సరస్సు అంతర్జాతీయ పక్షుల పండుగకు సిద్ధం అయ్యింది. ఫ్లెమింగో ఫెస్టివల్ Read more
కాంగ్రెస్‌ పాలనలో తెలంగాణ మళ్లీ వెనక్కి హైదరాబాద్‌: తెలంగాణ మాజీ సీఎం కేసీఆర్‌ అధ్యక్షతన బీఆర్‌ఎస్‌ పార్టీ విస్తృత స్థాయి కార్యవర్గ సమావేశం తెలంగాణ భవన్‌లో జరుగుతున్నది. Read more
హైదరాబాద్‌: రేపటి నుండి తెలంగాణ ప్రభుత్వం సమగ్ర కుటుంబ సర్వే(కులగణన) చేపట్టనుంది. ప్రతి ఇంటికి వెళ్లి దాదాపు 75 ప్రశ్నలతో ప్రభుత్వ సిబ్బంది సర్వే చేయనున్నారు. కుటుంబ Read more
ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కళ్యాణ్ తమ పార్టీని తమిళనాడులోనూ విస్తరించే అవకాశముందని ప్రకటించారు. ఓ ప్రముఖ తమిళ మీడియా సంస్థకు ఇచ్చిన ఇంటర్వ్యూలో Read more