హైదరాబాద్ నగరం ఆదివారం ఉలిక్కిపడింది. ఒక్కరోజే రెండు విభిన్న ప్రాంతాల్లో భారీ Fire ప్రమాదాలు జరిగాయి. చార్మినార్ వద్ద గల గుల్జార్హౌస్లో జరిగిన విషాద ఘటనలో 17 మంది ప్రాణాలు కోల్పోయారు. ఇదే సమయంలో మైలార్దేవ్పల్లిలో చోటుచేసుకున్న మరో ప్రమాదం పెద్దప్రమాదంగా మారేది, చురుకైన చర్యలతో 53 మంది ప్రాణాలతో బయటపడ్డారు.మైలార్దేవ్పల్లి – నగర శివారులోని ఈ ప్రాంతంలో ఉన్న మూడంతస్తుల భవనంలో అకస్మాత్తుగా మంటలు చెలరేగాయి. ఈ భవనంలో అప్పటికి 53 మంది నివసిస్తున్నారు. అందరూ తమ పనుల్లో బిజీగా ఉండగానే, అగ్నిప్రమాదం ముప్పుగా మారింది.
ప్రధాన మెట్ల వద్దే మంటలు పెల్లుబికడంతో, కిందకు దిగలేని పరిస్థితి. పై అంతస్తుల్లో ఉన్నవారు గందరగోళంగా టెర్రస్ వైపు పరుగులు పెట్టారు. సహాయం కోసం అరుపులు, ఆర్తనాదాలు వినిపించాయి.
ఫైర్ సిబ్బంది చొరవ – సమయస్పూర్తితో ప్రాణాలు కాపాడారు
అగ్నిమాపక విభాగానికి సమాచారం అందిన వెంటనే, మూడు ఫైర్ ఇంజన్లతో సిబ్బంది ఘటనా స్థలానికి చేరుకున్నారు. వారు వెంటనే సహాయక చర్యలు ప్రారంభించారు. లాడర్లు ఉపయోగించి టెర్రస్పై చిక్కుకున్నవారిని కిందకు దించారు.ఇక రెండో అంతస్తులో ఉన్నవారిని మెట్లద్వారా సురక్షితంగా బయటకు తీసుకొచ్చారు. ఈ మొత్తం ప్రక్రియలో 53 మందిని రక్షించారు. ఇందులో 20 మంది చిన్నపిల్లలు ఉండటం గమనించాలి. సమయానికి స్పందించకపోతే, ఇది పెద్ద విషాదంగా మారేదని అధికారులు పేర్కొన్నారు.
చార్మినార్లో ఘోర ప్రమాదం – 17 మంది మృతి
ఇదే రోజున చార్మినార్ సమీపంలోని గుల్జార్హౌస్లో జరిగిన అగ్నిప్రమాదం మాత్రం విషాదానికి దారి తీసింది. మంటల్లో 17 మంది సజీవదహనమయ్యారు. ప్రమాద సమయంలో ఆ ప్రాంతంలో పెద్ద సంఖ్యలో ప్రజలు ఉండటం విషాదానికి కారణమైంది.
నగరవాసుల్లో ఆందోళన – భద్రతపై ప్రశ్నలు
ఒకే రోజు రెండు అగ్నిప్రమాదాలు జరగడం ప్రజల్లో భయాందోళనకు దారి తీసింది. భవనాల నిర్మాణాల్లో భద్రతా ప్రమాణాలు పాటిస్తున్నారా అనే అనుమానాలు వ్యక్తమవుతున్నాయి. మైలార్దేవ్పల్లిలోని ఘటనలో సకాలంలో స్పందించడంతోనే ప్రాణాలు కాపాడగలిగామని అధికారులు చెబుతున్నారు.
Read Also : KCR: గుల్జార్ హౌస్ అగ్నిప్రమాద ఘటనపై కేసీఆర్ దిగ్భ్రాంతి
