ఆంధ్రప్రదేశ్లో సంచలనం సృష్టించిన లిక్కర్ స్కామ్ (Liquor scam) కేసు రోజుకో మలుపు తిరుగుతోంది. ఇప్పటికే పలువురు రాజకీయ నాయకులు, సంబంధిత అధికారులు సిట్ విచారణకు హాజరైన తరుణంలో, ఇప్పుడు మాజీ రాజ్యసభ సభ్యుడు మరియు వైసీపీ కీలక నాయకుడు విజయసాయిరెడ్డి (Vijayasai Reddy) మరోసారి విచారణకు హాజరవుతున్నారు.
సిట్ నోటీసులకు స్పందనగా విచారణకు హాజరు
విజయసాయిరెడ్డి (Vijayasai Reddy)కి సిట్ అధికారులు (SIT officials) ఇటీవల నోటీసులు జారీ చేశారు. ఉదయం 10 గంటలకు సిట్ కార్యాలయానికి రావాలని నోటీసుల్లో పేర్కొన్నారు. ఈ క్రమంలో విజయసాయిరెడ్డి చేసిన తాజా ట్వీట్ ఆసక్తికరంగా మారింది.
భగవద్గీత శ్లోకంతో ట్వీట్ – రాజకీయ సంకేతమా?
విచారణకు హాజరయ్యే క్రమంలో విజయసాయిరెడ్డి తన అధికారిక ట్విట్టర్ ఖాతాలో చేసిన తాజా ట్వీట్ రాజకీయ వర్గాల్లో చర్చనీయాంశంగా మారింది.
భగవద్గీతలోని”కర్మణ్యే వాధికారస్తే మాఫలేషు కదాచన! మా కర్మఫలహేతుర్భూ: మా తేసంగోஉస్త్వకర్మణి!!” శ్లోకాన్ని ఆయన ట్వీట్ చేశారు.
“కర్మలను ఆచరించుట యందే నీకు అధికారము కలదు. కానీ వాని ఫలితముల మీద లేదు. నీవు కర్మఫలములకు కారణం కారాదు. అట్లని కర్మలను చేయుట మానరాదు” అంటూ దాని అర్థాన్ని కూడా వివరించారు. ఈ ట్వీట్ ఇప్పుడు ఆసక్తికరంగా మారింది.
లిక్కర్ స్కామ్ కేసులో విజయసాయిరెడ్డి పాత్రపై అనుమానాలు?
లిక్కర్ స్కామ్ కేసులో ఇప్పటివరకు విచారణ ఎదుర్కొన్న పలువురిలో విజయసాయిరెడ్డి పేరు కూడా ప్రస్తావనకు రావడం, ఆయనపై ప్రశ్నలు వేయడం, రాజకీయ దుమారం రేపింది. అయితే అధికారికంగా ఆయనపై ఎలాంటి కేసు నమోదు కాలేదు. కానీ సిట్ దర్యాప్తులో కొత్త వివరాలు వెలుగులోకి రావడంతో, ఆయన నుంచి మరింత సమాచారం సేకరించేందుకు అధికారులు చర్యలు తీసుకుంటున్నారు .
Read hindi news: hindi.vaartha.com
Read also: Chevireddy Mohith Reddy: చెవిరెడ్డి మోహిత్ రెడ్డికి హైకోర్టులో తాత్కాలిక ఊరట