విడుదల దిశగా టిటిడి పునరాలోచన తిరుమల Tirumala : వందల సంఖ్యలో భక్తుల నుండి వచ్చిన విజుప్తుల మేరకు తిరుమలతిరుపతి దేవస్థానం అధికారులు అంగప్రదక్షిణ టోకెన్లు విడుదల విషయంపై మళ్ళీ పునరాలోచనలో పడింది. ఇప్పటికే అంగప్రదక్షిణ టోకెన్లు జారీని ఆన్లైన్లో తిరుమలలోని కౌంటర్లకు స్వస్తిపలికి పూర్తిగా ఆన్లైన్ చేసిన విషయం విదితమే. ఆన్లైన్లో రోజువారీగా 750 అంగప్రదక్షిణ టోకెన్లు ఉచితంగా భక్తులకు మూడునెలల ముందుగానే విడుదల చేస్తోంది. ఒక్క శుక్రవారం రోజు మినహాయించి వారంలో అన్ని రోజులు వేకువజామున 1.30గంటలకు అంగప్రదక్షిణ భక్తులకు అవకాశం కల్పించారు. అయితే ఇటీవల కొందరు టిటిడి TTD అధికారులు తీసుకున్న నిర్ణయంతో అంగప్రదక్షిణ టోకెన్లు కూడా ఆన్లైన్ ముందువచ్చిన వారికి ముందు అన్నట్లుగాక లక్కీడిప్ విధానం అమలులోకి తీసుకువచ్చారు.
Srisailam Dam:వరద తగ్గుముఖం, 13 గేట్లు ఎత్తి నీటివిడుదల
TTD Tokens
ఈ విధానం వల్ల టోకెన్లు మూడునెలల ముందుగానే ఆన్లైన్లో లక్కీడిప్ విధానం ద్వారా గతనెల 18వతేదీ నుండి విడు దలవుతున్నాయి. భక్తులు తిరిగి ఈ సేవ పోందేందుకు 90రోజులు గడువు ఉండేది. కొత్తవిధానంతో 180రోజులకు పొడిగించారు. అయితే ఈ విధానం వల్ల సామాన్యభక్తులు చాలావరకు ఇబ్బందులు పడుతున్నారని, టోకెన్లు అందుకో లేకపోతున్నామనే అసంతృప్తిని ఫిర్యాదుల రూపంలో టిటిడి డయల్ యువర్ ఇఒకు తెలియజేశారు. లక్కీడిప్ ద్వారా అంగప్రదక్షిణ టోకెన్లు కేటాయింపు విధానాన్ని పునఃపరీశీలిం చాలని భక్తులు కోరారు. పాతపద్ధతిని అమలు చేయాలని విజ్ఞప్తిచేశారు. అందిన సూచనలు, అభ్యర్థనలను పరిగణనలోనికి తీసుకుని పాతవిధానంలోనే తిరిగి అంగప్రదక్షిణ టోకెన్లు జారీచేస్తామని హామీ ఇచ్చారు.
300 టోకెన్లు
భక్తుల నుండి అందుతున్న సూచనలు, అభిప్రాయాల ఆధారంగానే వారికి సౌకర్యవంతంగా నిర్ణయాలు తీసుకుంటామని ఇఒ స్పష్టం చేయడంతో అం గప్రదక్షిణ టోకెన్లు జారీని ఈనెలలో పాతవి ధానంలోనే కేటాయించే సూచనలు కనిపిస్తున్నాయి. ఇదిలా ఉండగా గతంలో ఒక్కశనివారం రోజుకు మాత్రం స్థానిక భక్తులకు 300 టోకెన్లు ఆఫ్లైన్లో జారీచేసే విధానంపై కూడా ఇఒ పున:సమీక్షించే అవకాశం లేకపోలేదు. ఆపద మొక్కుల వాడు తిరుమల ఏడుకొండలస్వామికి ఎంతో భక్తితో భక్తులు చెల్లించుకునే మొక్కుల్లో వేకువజామున చేపట్టే అంగప్రదక్షిణ కూడా ఎంతో పవిత్రమైంది. కాగా రానున్న 2026 జనవరినెలకు సంబంధించి అంగప్రదక్షిణ టోకెన్లకోసం పాత విధానంలోనే విడుదల చేయ నున్నారనేది స్పష్టమైంది. శుక్రవారం మినహా మిగిలిన అన్ని రోజులు 750 టోకెన్లు, శనివారం మాత్రం ఆన్లైన్లో 500 టోకెన్లు జారీచేయడం జరుగుతోంది.
తిరుమలలో అంగప్రదక్షిణ టోకెన్లపై టిటిడి ఏ నిర్ణయం తీసుకుంది?
భక్తుల విజ్ఞప్తుల మేరకు టిటిడి అధికారులు అంగప్రదక్షిణ టోకెన్లను పాత విధానంలోనే విడుదల చేయాలని పునరాలోచనలో ఉన్నారు.
ప్రస్తుతం టిటిడి ఎలాంటి విధానంలో టోకెన్లు జారీ చేస్తోంది?
ప్రస్తుతం ఆన్లైన్లో లక్కీడిప్ విధానంలో రోజుకు 750 అంగప్రదక్షిణ టోకెన్లు ఉచితంగా భక్తులకు మూడునెలల ముందుగానే విడుదల చేస్తున్నారు.
Read hindi news: hindi.vaartha.com
Read Also: