TTD: తిరుపతిలో (Tirupati) శ్రీ వేంకటేశ్వర స్వామివారి సారె ఊరేగింపు ట్రయల్ రన్ గురువారం విజయవంతంగా నిర్వహించబడింది. ఈ కార్యక్రమం తిరుచానూరు శ్రీ పద్మావతి అమ్మవారి కార్తీక బ్రహ్మోత్సవాల ఏర్పాట్లలో భాగంగా జరిగింది. నవంబర్ 17 నుంచి 25 వరకు జరగనున్న ఈ బ్రహ్మోత్సవాల్లో ప్రతీ రోజూ అమ్మవారికి ప్రత్యేక వాహన సేవలు నిర్వహించనున్నారు. 17న ధ్వజారోహణంతో ఉత్సవాలు ప్రారంభమవుతాయి. అనంతరం చినశేషవాహనం, పెద్దశేషవాహనం, హంసవాహనం, సింహవాహనం, కల్పవృక్ష వాహనం, గజవాహనం, గరుడవాహనం, స్వర్ణ రథోత్సవం, సూర్యప్రభ, చంద్రప్రభ వాహనం, రథోత్సవం, అశ్వ వాహనం వంటి సేవలు భక్తులను ఆకట్టుకోనున్నాయి. చివరి రోజైన నవంబర్ 25న పంచమీతీర్థం, ధ్వజావరోహణ కార్యక్రమాలతో బ్రహ్మోత్సవాలు ముగుస్తాయి.
Read also: Special Trains: అయ్యప్ప భక్తులకు శుభవార్త .. 60 స్పెషల్ రైళ్లు
TTD: తిరుపతిలో శ్రీవారి సారె ఊరేగింపు
నవంబర్ 15 నాటికి పూర్తి చేయాలని
TTD: టీటీడీ అధికారులు అన్ని ఏర్పాట్లను నవంబర్ 15 నాటికి పూర్తి చేయాలని ఆదేశించారు. భక్తుల రద్దీని దృష్టిలో ఉంచుకుని పద్మ సరోవరం, నాలుగు మాడ వీధులు, తోళప్ప గార్డెన్స్, ఫ్రైడే గార్డెన్స్, ఎగ్జిబిషన్ ప్రాంతం, నవజీవన్ ప్రాంతం తదితర ప్రదేశాలను పరిశీలించారు. గురువారం జరిగిన ట్రయల్ రన్ లో తిరుపతిలోని చెన్నారెడ్డి కాలనీ శ్రీ వినాయక స్వామివారి ఆలయం నుండి శ్రీవారి సారెను ఏనుగుపై ఊరేగింపుగా తీసుకువచ్చారు. ఊరేగింపు మార్గంలో శ్రీ కోదండరామాలయం, గోవిందరాజస్వామి ఆలయం, ఆంజనేయస్వామి ఆలయం, ఆర్టిసి బస్టాండు, పాద్మావతీపురం, మార్కెట్ యార్డు, శిల్పారామం మీదుగా పసుపు మండపం వరకు సాగింది. అక్కడి నుండి అమ్మవారి ఆలయం వద్దకు చేరుకుని మాడ వీధుల గుండా పుష్కరిణి సమీపంలోని మండపానికి సారెను వేంచేపు చేశారు. బ్రహ్మోత్సవాల సజావుగా నిర్వహణ కోసం నవంబర్ 11న కోయిల్ ఆళ్వార్ తిరుమంజనం చేపట్టనున్నారు.
తిరుచానూరు శ్రీ పద్మావతి అమ్మవారి కార్తీక బ్రహ్మోత్సవాలు ఎప్పుడు జరుగుతున్నాయి?
ఈ బ్రహ్మోత్సవాలు నవంబర్ 17 నుండి 25 వరకు జరుగనున్నాయి.
తిరుపతిలో శ్రీవారి సారె ఊరేగింపు ట్రయల్ రన్ ఎక్కడ ప్రారంభమైంది?
ఈ ట్రయల్ రన్ తిరుపతిలోని చెన్నారెడ్డి కాలనీ శ్రీ వినాయక స్వామివారి ఆలయం వద్ద ప్రారంభమైంది.
Read hindi news: hindi.vaartha.com
Epaper : epaper.vaartha.com/
Read Also: