తిరుమల వెంకటేశ్వర స్వామిని నిత్యం లక్షలాది మంది భక్తులు దర్శించుకుంటారు, ప్రపంచ వ్యాప్తంగా శ్రీవారి భక్తులు తిరుమలకు తరలివస్తారు, దర్శనం మరియు వసతి విషయంలో టీటీడీ కొత్త మార్పులను ప్రవేశపెట్టింది, AI (కృత్రిమ మేధస్సు) వినియోగంతో మరింత మెరుగైన సేవలను అందించడానికి ప్రయత్నిస్తోంది, శ్రీవారి దర్శనానికి వచ్చే భక్తులు తమ శక్తి కొద్దీ ముడుపులు చెల్లిస్తారు, మరికొంత మంది స్వామివారిపై ఉన్న విశ్వాసంతో భారీ విరాళాలు ఇస్తారు. ఈ నేపథ్యంలో, ఒక జైన మతస్థుడు శ్రీవారికి 122 కిలోల బంగారం కానుకగా సమర్పించారని ముఖ్యమంత్రి చంద్రబాబు నాయుడు (Chandrababu Naidu) వెల్లడించారు.
Read Also: AP: ఇంటికే రిజిస్ట్రేషన్ డాక్యుమెంట్లు సీఎం చంద్రబాబు
ముఖ్యమంత్రి వెల్లడించిన జైన్ భక్తుడి కథ
ప్రస్తుతం తిరుమలలో భక్తుల రద్దీ సాధారణంగా ఉంది, వైకుంఠ ఏకాదశి కోసం టీటీడీ (TTD) విస్తృత ఏర్పాట్లు చేస్తోంది, శ్రీవారికి వచ్చిన కానుకల గురించి సీఎం చంద్రబాబు ఆసక్తికర అంశాలు తెలిపారు, వేంకటేశ్వరస్వామి ఎంతో మహిమ గల దేవుడని, అందుకే ఒక జైన మతస్థుడు భక్తితో ఏకంగా 122 కిలోల బంగారం సమర్పించారని సీఎం వివరించారు.
ఇటీవల ఒక జైన మతస్థుడు తనను కలిసినప్పుడు తన అనుభవాన్ని పంచుకున్నారని చంద్రబాబు చెప్పారు, ఆ భక్తుడు తన వ్యాపారంలో కొంత వాటాను విక్రయించగా 5 వేల కోట్ల రూపాయలు వచ్చాయని, దాంతో స్వామివారికి 122 కిలోల బంగారం ఇస్తానని మొక్కుకున్నట్లు తెలిపారన్నారు, మొక్కు తీర్చుకోవడానికి తిరుమల వెళ్లి అధికారులను కలిసినప్పుడు, వారు శ్రీవారికి ప్రతిరోజూ 121 కిలోల బరువైన ఆభరణాలు అలంకరిస్తామని మాటల సందర్భంలో చెప్పారని చంద్రబాబు వివరించారు.
AI వినియోగం, లడ్డూ ప్రసాదం నాణ్యత
దీంతో, ఆ భక్తుడు 122 కిలోల బంగారం కానుకగా సమర్పించాలని స్వామివారే తనకు సందేశం పంపినట్లు భావించారని సీఎం చెప్పారు, స్వామివారికి అంత మహత్యం లేకపోతే ఒక భక్తుడు 122 కిలోల బంగారం ఇస్తారా, రోజు లక్ష మంది దర్శనం కోసం ఎందుకు వస్తారని ప్రశ్నిస్తూ, స్వామివారిపై భక్తుల నమ్మకం అలాంటిదని చంద్రబాబు అన్నారు.
ఇక, తిరుమలలో శ్రీవారి భక్తుల అన్న ప్రసాదం తయారీలో వాడే దినుసులను జల్లెడ పట్టడానికి AI టెక్నాలజీని ఉపయోగిస్తున్నామని చంద్రబాబు తెలిపారు, బియ్యం లేదా ఇతర దినుసుల్లో ఏ అన్య పదార్థం వచ్చినా AI టెక్నాలజీతో (AI technology) గుర్తించి యంత్రం వాటిని ఏరివేస్తుందని చెప్పారు, అదేవిధంగా తిరుమల శ్రీవారి లడ్డూ ప్రసాదంలో నాణ్యమైన నెయ్యి, దినుసులు వాడుతున్నామని, అన్నప్రసాదం నాణ్యతపై ఒక్క ఫిర్యాదు కూడా లేదని ముఖ్యమంత్రి వెల్లడించారు.
Read hindi news: hindi.vaartha.com
Epaper : epaper.vaartha.com
Read Also: