తిరుపతి: దేశవ్యాప్తంగా సంచలనం సృష్టించిన టీటీడీ(TTD) కల్తీ నెయ్యి(Adulterated ghee) కేసు దర్యాప్తులో కీలక పరిణామం చోటుచేసుకుంది. టీటీడీ మాజీ చైర్మన్ వైవీ సుబ్బారెడ్డి వ్యక్తిగత సహాయకుడు (పీఏ) కడూరు చిన్న అప్పన్నను ప్రత్యేక దర్యాప్తు బృందం (సిట్) అరెస్టు చేసింది. సుప్రీంకోర్టు ఆదేశాల మేరకు విచారణ వేగం పెంచిన సిట్ అధికారులు చేసిన తొలి రాజకీయ నేపథ్యం ఉన్న అరెస్ట్ ఇదే కావడం గమనార్హం. రుయాలో వైద్య పరీక్షల అనంతరం ఆయనను నెల్లూరు ఏసీబీ కోర్టుకు తరలించారు.
Read Also: Bhatti: విదేశాల్లో ఉన్న తెలంగాణ విద్యార్థులకు గుడ్ న్యూస్
అరెస్టు వివరాలు, తదుపరి విచారణ
చిన్న అప్పన్నది విజయనగరం జిల్లా తెర్లాం మండలం పాములవలస. హైదరాబాద్ కేంద్రంగా వైవీ సుబ్బారెడ్డి వ్యక్తిగత, వ్యాపారాలకు సంబంధించిన వ్యవహారాలను ఆయన చూసుకునేవారు. కల్తీ నెయ్యి సరఫరా వ్యవహారంలో అప్పన్నపై సిట్ పూర్తి సమాచారం సేకరించింది. గత జూన్ 4న ఒకసారి, తాజాగా బుధవారం మరోసారి చిన్న అప్పన్నను తిరుపతిలోని సిట్ కార్యాలయానికి పిలిపించి విచారించారు. హైదరాబాద్, విశాఖపట్నం సీబీఐ కార్యాలయాల నుంచి వచ్చిన ముగ్గురు డీఎస్పీలు, ముగ్గురు సీఐలు ఈ విచారణలో పాల్గొన్నారు. విచారణ అనంతరం ఆయనను అరెస్టు చేసి, రిమాండు రిపోర్టులో ఏ-24గా పేర్కొన్నారు.
కేసులో కీలక మలుపు
సుమారు మూడున్నర నెలల తర్వాత సుప్రీంకోర్టు(Supreme Court) ఆదేశాల మేరకు సిట్ దర్యాప్తు తిరిగి ప్రారంభమైన వెంటనే ఈ కీలక పరిణామం చోటుచేసుకుంది. చిన్న అప్పన్న అరెస్టుతో తదుపరి వైవీ సుబ్బారెడ్డికి సైతం నోటీసులు జారీ చేసి విచారించే అవకాశం ఉందని విశ్లేషకులు భావిస్తున్నారు. ఇక నుంచి ఈ కేసులో కీలక వ్యక్తుల విచారణలు, అవసరానికి అనుగుణంగా అరెస్టులు ఉంటాయని అభిప్రాయాలు వ్యక్తమవుతున్నాయి.
టీటీడీ కల్తీ నెయ్యి కేసులో సిట్ అరెస్టు చేసిన వ్యక్తి ఎవరు?
టీటీడీ మాజీ చైర్మన్ వైవీ సుబ్బారెడ్డి వ్యక్తిగత సహాయకుడు (పీఏ) కడూరు చిన్న అప్పన్న.
ఈ అరెస్టు ఏ కోర్టు ఆదేశాల మేరకు జరిగింది?
సుప్రీంకోర్టు ఆదేశాల మేరకు విచారణ చేపట్టిన సిట్ ఈ అరెస్టు చేసింది.
Read hindi news : hindi.vaartha.com
Epaper : epapervaartha.com
Read Also: