Tirupati Fire Accident: తిరుపతి నగరంలోని ఆటోనగర్ ప్రాంతంలో మంగళవారం భారీ అగ్నిప్రమాదం సంభవించింది. ఇక్కడి ఒక స్క్రాప్ (వేస్టేజ్) దుకాణంలో ఒక్కసారిగా మంటలు చెలరేగడంతో స్థానికులు భయాందోళనకు గురయ్యారు. వేగంగా వీస్తున్న గాలుల కారణంగా మంటలు క్షణాల్లో ఒక షాపు నుండి మరో షాపునకు విస్తరించాయి.
Read Also: Chicken Seized in Secunderabad: హైదరాబాద్లో 800 కిలోల కుళ్ళిన చికెన్ పట్టివేత
దగ్ధమైన రెండు దుకాణాలు
ఈ ప్రమాదంలో రెండు వేస్టేజ్ షాపులు పూర్తిగా అగ్నికి ఆహుతయ్యాయి. దుకాణాల్లో ఉన్న స్క్రాప్ సామాగ్రి అంతా కాలి బూడిదైంది. మంటలు భారీ ఎత్తున ఎగిసిపడటంతో ఆ ప్రాంతమంతా దట్టమైన పొగ కమ్మేసింది. దీంతో షాపుల నిర్వాహకులు, సమీపంలో ఉన్న ప్రజలు ప్రాణభయంతో పరుగులు తీశారు.
మంటలను అదుపు చేస్తున్న అగ్నిమాపక సిబ్బంది
ప్రమాద సమాచారం అందిన వెంటనే అగ్నిమాపక సిబ్బంది ఘటనా స్థలానికి చేరుకున్నారు. ఫైర్ ఇంజన్ల సహాయంతో మంటలను అదుపు చేసేందుకు తీవ్రంగా ప్రయత్నిస్తున్నారు. మంటలు మరిన్ని షాపులకు వ్యాపించకుండా జాగ్రత్తలు తీసుకుంటున్నారు. విద్యుత్ షార్ట్ సర్క్యూట్ కారణంగా ఈ ప్రమాదం జరిగిందా లేదా ఇతర కారణాలు ఉన్నాయా అనే కోణంలో అధికారులు దర్యాప్తు చేస్తున్నారు. అదృష్టవశాత్తూ ఈ ఘటనలో ఎటువంటి ప్రాణనష్టం జరగలేదని ప్రాథమిక సమాచారం అందుతోంది.
Read hindi news: hindi.vaartha.com
Epaper : epaper.vaartha.com
Read Also: