తిరుమల: శ్రీవారి భక్తులు భక్తివిశ్వాసాలతో సమర్పించే కానుకల లెక్కింపు కేంద్రం పరకామణి(Parakamani) నుంచి విదేశీ కరెన్సీ(Currency) చోరీ చేసిన కేసులో, సీఐడీ(CID) అధికారులు హైకోర్టుకు సమర్పించనున్న రికార్డులు కీలకం కానున్నాయి. హైకోర్టు ధర్మాసనం ఆదేశాలతో సీఐడీ డీజీ రవిశంకర్ అయ్యన్నార్ స్వయంగా తిరుమలకు చేరుకుని, తిరుమల వన్టౌన్ పోలీస్స్టేషన్ నుండి ఈ కేసుకు సంబంధించిన రికార్డులను స్వాధీనం చేసుకున్న విషయం తెలిసిందే.
Read Also: Farmers: ఎట్టకేలకు నేటి నుండి మక్కల కొనుగోళ్లు
డీజీ పర్యవేక్షణ, రికార్డుల పరిశీలన
డీజీ రవిశంకర్ అయ్యన్నార్(DG Ravi Shankar Ayyannar) మంగళవారం టీటీడీ పరకామణి భవనాన్ని సందర్శించి, లోపల కరెన్సీ నోట్లు, నాణేల లెక్కింపు ప్రక్రియ, భద్రత అంశాలపై పరిశీలించారు. ఈ కేసుపై తిరుమల పోలీసు, విజిలెన్స్ అధికారులతో చర్చించి విచారణ చేపట్టారు. 2023 మార్చిలో జరిగిన ఈ చోరీ కేసు వివరాలను తిరుమల పోలీసుల నుంచి స్వాధీనం చేసుకున్న అయ్యన్నార్, రెండు రోజుల్లో ఈ రికార్డులను హైకోర్టుకు అప్పగిస్తామని తెలిపారు.
హైకోర్టు నిర్ణయంపై ఉత్కంఠ
పోలీసులు ఈ కేసుపై పూర్తిస్థాయి దర్యాప్తు చట్టపరంగానే సాగించారా? లేదా ఏదైనా అక్రమాలు జరిగాయా? అనే విషయంపై ఇప్పుడు హైకోర్టు ధర్మాసనం వెలువడించే నిర్ణయంపై ఆధారపడనుంది. సీఐడీ డీజీ ప్రత్యేక బృందం రికార్డులు హైకోర్టుకు(High Court) సమర్పించిన తర్వాత తదుపరి ఏం జరగనుందనే ఉత్కంఠ టీటీడీలో, పోలీసు శాఖలో నెలకొంది. ఈ రికార్డుల్లోని కీలక ఆధారాలపై తదుపరి చర్యలు, సూత్రధారులెవరు అనేది తేలే అవకాశం ఉంది.
పరకామణి చోరీ కేసు రికార్డులను ఎవరు స్వాధీనం చేసుకున్నారు?
సీఐడీ డీజీ రవిశంకర్ అయ్యన్నార్ స్వాధీనం చేసుకున్నారు.
ఈ రికార్డులను ఎవరికి సమర్పించనున్నారు?
ఈ రికార్డులను హైకోర్టుకు సమర్పించనున్నారు.
Read hindi news: hindi.vaartha.com
Epaper : epaper.vaartha.com/
Read Also: