తిరుమల క్షేత్రంలో వైకుంఠ ఏకాదశి పండుగకు సంబంధించిన ఏర్పాట్లు వేగంగా జరుగుతున్నాయి, ఈ నెల 30వ తేదీన వైకుంఠ ఏకాదశిని పురస్కరించుకుని ప్రారంభమయ్యే వైకుంఠ ద్వార దర్శనాలు జనవరి 8వ తేదీ వరకు పది రోజుల పాటు కొనసాగనున్నాయి, ఈ సమయంలో లక్షలాది మంది భక్తులు స్వామివారిని దర్శించుకుంటారని టీటీడీ అంచనా వేస్తోంది, ఇందుకు అనుగుణంగా టీటీడీ కార్యచరణ చేపట్టింది, ముఖ్యంగా, తొలి మూడు రోజుల దర్శనం కోసం ఇప్పటికే 1,76,000 మంది భక్తులను ఈ-డిప్ ద్వారా ఎంపిక చేశారు.
Read Also: TTD: తిరుమల కల్తీ నెయ్యి కేసు: SIT కస్టడీకి ప్రధాన నిందితులు
AI ఆధారిత ఇంటిగ్రేటెడ్ కమాండ్ కంట్రోల్ సెంటర్ సమీక్ష
టీటీడీ అదనపు కార్యనిర్వహణాధికారి సి.హెచ్. వెంకయ్య చౌదరి, తిరుమల (Tirumala) ఆలయంలో ఏర్పాటు చేసిన ఇంటిగ్రేటెడ్ కమాండ్ కంట్రోల్ సెంటర్ (ICCC) మరియు ఆర్టిఫిషియల్ ఇంటెలిజెన్స్ (Artificial Intelligence) (AI) వ్యవస్థ పనితీరుపై సమీక్ష నిర్వహించారు, ఈ సందర్భంగా ఆయన మాట్లాడుతూ, AI ఆధారిత కమాండ్ కంట్రోల్ సెంటర్ భక్తులు కంపార్ట్మెంట్లు మరియు క్యూలైన్లలో ఎక్కువ సమయం వేచి ఉండకుండా, వేగంగా శ్రీవారి దర్శనం పూర్తి చేసుకోవడంలో ఎంతగానో తోడ్పడుతుందని వివరించారు. ఈ వ్యవస్థ వేచి ఉండే సమయాన్ని తగ్గించడానికి అవసరమైన డేటాను ఎప్పటికప్పుడు అందిస్తుందని ఆయన చెప్పారు.
భక్తుల పర్యవేక్షణ మరియు ట్రాఫిక్ నియంత్రణ
ఈ కమాండ్ కంట్రోల్ సెంటర్ కోసం 17 కోట్ల రూపాయల వ్యయంతో AI ఆధారిత అత్యంత ఆధునిక పరికరాలను సమకూర్చామని వెంకయ్య చౌదరి తెలిపారు. ఎన్.ఆర్.ఐ దాతల సహకారంతో 25 నుంచి 30 కోట్ల రూపాయల బడ్జెట్తో ఈ సెంటర్ను ప్రారంభించామని ఆయన గుర్తుచేశారు. ఈ సెంటర్ ద్వారా, ప్రతిరోజు దర్శనానికి వస్తున్న భక్తుల సంఖ్యను, వైకుంఠం క్యూ కాంప్లెక్స్లో ఏ కంపార్ట్మెంట్లో ఎంత సమయం భక్తులు వేచి ఉన్నారనే వివరాలను, మరియు ఏ సమయంలో ఎంతమంది దర్శనం చేసుకుంటున్నారనే డేటాను సేకరించడం సులభతరం అవుతుందని ఆయన అన్నారు.
కంపార్ట్మెంట్లలోని భక్తులకు అన్నప్రసాదాల పంపిణీ వివరాలను కూడా తెలుసుకోవచ్చని చెప్పారు. ఈ టూల్స్ ద్వారా ఏదైనా కంపార్ట్మెంట్లు ఖాళీగా ఉంటే ఆ సమాచారాన్ని ముందుగానే తెలుసుకోవచ్చని, ఎవరికి ముందుగా దర్శనం కల్పించాలో కూడా సూచిస్తుందని పేర్కొన్నారు. ఒక కంపార్ట్మెంట్లో 450 మందికి మించి భక్తులు ఉంటే వెంటనే అలర్ట్ వస్తుందని, తక్కువగా ఉన్న చోట గ్రీన్ సిగ్నల్ కనిపిస్తుందని, ఈ విధంగా క్యూలైన్ల నిర్వహణ సులభతరం అవుతుందని వెంకయ్య చౌదరి వివరించారు.
కమాండ్ కంట్రోల్ సెంటర్ ద్వారా ట్రాఫిక్ను కూడా నియంత్రించవచ్చని ఆయన అన్నారు. తిరుమల అలిపిరి వద్ద ఎన్ని వాహనాలు ఉన్నాయనేది ఈ వ్యవస్థ రికార్డు చేస్తుందని, అలాగే బ్లాక్ లిస్ట్లో ఉన్న వాహనాలు లేదా నో పార్కింగ్లో ఉన్న వాహనాల వివరాలను కూడా తెలుసుకోవచ్చని పేర్కొన్నారు. క్యూ కాంప్లెక్స్ 1, 2, నారాయణగిరి షెడ్లు, రింగ్ రోడ్ క్యూలైన్లు, నడకమార్గాలు, అలిపిరి వంటి కీలక ప్రాంతాలలో అదనంగా సుమారు 250 ఆధునిక కెమెరాలను ఏర్పాటు చేసి ICCC కి అనుసంధానిస్తామని వెంకయ్య చౌదరి తెలిపారు.
Read hindi news: hindi.vaartha.com
Epaper : epaper.vaartha.com
Read Also: