Chandrababu: ఆంధ్రప్రదేశ్ ముఖ్యమంత్రి నారా చంద్రబాబు నాయుడు వైసీపీపై(YCP) తీవ్ర స్థాయిలో విరుచుకుపడ్డారు. వైసీపీ అనేది నేరాలపై ఆధారపడి, అబద్ధాలు ప్రచారం చేస్తూ మాత్రమే నిలబడుతున్న పార్టీ అని ధ్వజమెత్తారు. తన నలభై ఏళ్ల రాజకీయ అనుభవంలో ఎన్నో ప్రభుత్వాలు, నాయకులను చూశానని, కానీ ఇంత స్థాయిలో తప్పుడు ప్రచారం చేసే పరిస్థితిని ఎప్పుడూ చూడలేదని ఆయన ఆవేదన వ్యక్తం చేశారు.
రైతుల కోసం ఎరువుల వినియోగంపై స్పష్టత
ఈ సంవత్సరం పంట పొలాల్లో రసాయన ఎరువుల(Chemical fertilizers) వినియోగాన్ని తగ్గించాలనే లక్ష్యంతో ప్రభుత్వం చర్యలు చేపడుతోందని సీఎం తెలిపారు. యూరియాకు ఎలాంటి కొరత లేదని స్పష్టం చేస్తూ, ప్రస్తుతం జిల్లాల వారీగా 94,892 మెట్రిక్ టన్నుల యూరియా అందుబాటులో ఉందని, అదనంగా మార్క్ఫెడ్ వద్ద 81,750 మెట్రిక్ టన్నుల నిల్వలు ఉన్నాయని వివరించారు. రెండు పంటలు సాగు చేయడం వల్ల నెల్లూరులో యూరియా వినియోగం అధికమైందని కూడా వెల్లడించారు.
వైసీపీ శ్రేణులకు హెచ్చరిక
రైతుల పేరుతో రాజకీయాలు చేయాలని ప్రయత్నిస్తే సహించబోమని చంద్రబాబు హెచ్చరించారు. ముఖ్యంగా సోషల్ మీడియాలో తప్పుడు ప్రచారాలు చేస్తే కఠిన చర్యలు తీసుకుంటామని వైసీపీ శ్రేణులను గట్టిగా వార్నింగ్ ఇచ్చారు.
సీఎం చంద్రబాబు వైసీపీపై ఏమన్నారు?
వైసీపీ ఫేక్ పార్టీ అని, నేరాల ఆధారంగా రాజకీయాలు చేస్తుందని విమర్శించారు.
ఎరువుల కొరత ఉందా?
లేదు, జిల్లాల వారీగా 94,892 మెట్రిక్ టన్నుల యూరియా అందుబాటులో ఉంది. అదనంగా 81,750 మెట్రిక్ టన్నుల నిల్వలు ఉన్నాయి.
Read hindi news : hindi.vaartha.com
Read also :