ఆంధ్రప్రదేశ్లోని సింహాచలం శ్రీ లక్ష్మీ నరసింహ స్వామి ఆలయం లో .చందనోత్సవ వేడుకల సందర్భంగా గోడ కూలిన ఘటన చోటుచేసుకుంది.ఈ ప్రమాదంలో ఏడుగురు భక్తులు ప్రాణాలు కోల్పోయారు.ఆలయ ప్రాంగణంలో అప్రమత్తత లేకుండా ఈ ఘటన జరిగింది.భక్తుల రద్దీ తీవ్రంగా ఉండగా, అర్థరాత్రి కురిసిన వర్షం పరిస్థితిని మరింత చేదు చేసింది. గోడ కూలిన చోట పలువురు బలయ్యారు.వారిలో నలుగురు పురుషులు, ముగ్గురు మహిళలు ఉన్నారు.ఈ దృశ్యం అక్కడున్నవారిని కలచివేసింది.ప్రమాదం జరిగిన వెంటనే సహాయక చర్యలు ప్రారంభమయ్యాయి.హోంమంత్రి వంగలపూడి అనిత సంఘటనా స్థలానికి తక్షణమే చేరుకున్నారు.గాయపడిన వారికి మెరుగైన వైద్యం అందించేందుకు ఏర్పాట్లు చేశారు.వెంటనే అధికారులు హాస్పిటల్స్కి బాధితులను తరలించారు.ఈ సంఘటనపై రాష్ట్ర ప్రభుత్వం తక్షణ స్పందననిచ్చింది.ముఖ్యమంత్రి చంద్రబాబు నాయుడు ప్రమాదంపై సమీక్ష జరిపారు.మృతుల కుటుంబాలకు రూ. 25 లక్షల ఎక్స్గ్రేషియా ప్రకటించారు.గాయపడిన వారికి రూ. 3 లక్షల ఆర్థికసాయం అందించాలని తెలిపారు.చంద్రబాబు బాధిత కుటుంబాల అభ్యున్నతిని దృష్టిలో ఉంచుకున్నారు.అర్హులైన వారికి దేవాదాయ శాఖలో ఔట్సోర్సింగ్ ఉద్యోగాలు కల్పించాలని ఆదేశించారు.
బాధితులకు ప్రభుత్వం అండగా ఉంటుందని హామీ ఇచ్చారు.ఈ ఘటనపై లోతైన విచారణ జరిపేందుకు ప్రత్యేక కమిటీని ఏర్పాటు చేశారు.ముగ్గురు సభ్యులతో కూడిన ఈ కమిటీ పూర్తి నివేదిక ఇవ్వనుంది. ఎవరి నిర్లక్ష్యం వల్ల ప్రమాదం జరిగిందో తెలుసుకుంటారు.గోడ ఎప్పుడు నిర్మించారు? కాంట్రాక్టర్ ఎవరన్నది ముఖ్య అంశం. నిర్మాణ నాణ్యతపై పరిశీలన జరుగుతుంది. హోంమంత్రి ప్రకారం, బాధ్యులపై చట్టపరంగా కఠిన చర్యలు తీసుకుంటారు. ప్రభుత్వానికి ప్రజల ప్రాణాలు మించినవి ఏవీ కావని అన్నారు.ఇటువంటి పవిత్ర వేడుక విషాదంగా మారడం బాధాకరం. ఈ ఘటన భక్తుల హృదయాల్లో భయాన్ని కలిగించింది. భవిష్యత్తులో ఇలాంటి ప్రమాదాలు మళ్లీ జరగకుండా చర్యలు తీసుకోవాలి.సింహాచలం ఘటన భక్తులకు మిగిల్చిన దుఃఖం మాటల్లో చెప్పలేము. బాధిత కుటుంబాలకు రాష్ట్ర ప్రభుత్వం అండగా నిలవడం ధైర్యాన్నిస్తుంది. భవిష్యత్తులో ఇటువంటి సంఘటనలు రాకుండా పూర్తిస్థాయి జాగ్రత్తలు తీసుకోవాలి.
Read Also : TTD: తిరుపతి నుంచి చర్లపల్లి జంక్షన్కు ప్రత్యేక రైళ్లు
