ఆంధ్రప్రదేశ్ ముఖ్యమంత్రి నారా చంద్రబాబు నాయుడు దుబాయ్ పర్యటనలో భాగంగా పలు అంతర్జాతీయ సంస్థల ప్రతినిధులతో సమావేశమయ్యారు. ఈ సందర్భంగా ఆయన మాట్లాడుతూ, “అమరావతిని ప్రపంచ అత్యుత్తమ నగరంగా తీర్చిదిద్దడమే మన లక్ష్యం. ఇది కేవలం రాజధాని నగరం కాకుండా, ఆధునికత, సుస్థిరత, విద్య, సాంకేతికతలకు ప్రతీకగా నిలుస్తుంది” అని పేర్కొన్నారు. కొత్త రాజధాని నిర్మాణం రాష్ట్ర భవిష్యత్తుకు కీలకమని, ప్రపంచవ్యాప్తంగా ఉన్న పెట్టుబడిదారులు ఈ అభివృద్ధి యాత్రలో భాగస్వాములు కావాలని ఆయన పిలుపునిచ్చారు.
దుబాయ్లో సీఎం చంద్రబాబు నాయుడు పర్యటన సందర్భంగా ప్రముఖ రియల్ ఎస్టేట్ దిగ్గజ సంస్థ శోభా రియాల్టీ ఛైర్మన్ పీఎన్సీ మీనన్ అమరావతిలో ‘వరల్డ్ క్లాస్ లైబ్రరీ’ నిర్మాణానికి రూ.100 కోట్ల విరాళాన్ని ప్రకటించారు. ఈ విరాళం అమరావతి అభివృద్ధికి భారీ ప్రోత్సాహకంగా మారనుంది. సీఎం చంద్రబాబు ఆయనకు కృతజ్ఞతలు తెలుపుతూ, రాజధాని నిర్మాణంలో కూడా ఆ సంస్థ భాగస్వామ్యం కావాలని కోరారు. “జ్ఞానం, ఆవిష్కరణల కేంద్రంగా అమరావతి నిలబడాలి. లైబ్రరీలు, విద్యాసంస్థలు, పరిశోధన కేంద్రాలు ఈ నగరానికి గుండె చప్పుళ్లు కావాలి” అని సీఎం అన్నారు
Breaking News – Rejection of Nomination : నామినేషన్ తిరస్కరణ.. వెక్కివెక్కి ఏడ్చింది
.
అంతకుముందు ఆయన భారత రాయబార కార్యాలయ ప్రతినిధులతో సమావేశమై, ఆంధ్రప్రదేశ్లో పెట్టుబడుల అవకాశాలపై చర్చించారు. రాష్ట్రంలో ఉన్న ఇన్ఫ్రాస్ట్రక్చర్, ఐటీ, గ్రీన్ ఎనర్జీ, అగ్రిటెక్ రంగాల్లో పెట్టుబడులకు విస్తృత అవకాశాలు ఉన్నాయని వివరించారు. పెట్టుబడిదారులకు అవసరమైన అన్ని సౌకర్యాలు, సింగిల్-విండో అనుమతులు, పారదర్శక పాలనను ప్రభుత్వం అందిస్తుందని భరోసా ఇచ్చారు. సీఎం పర్యటనతో అమరావతి అభివృద్ధిపై అంతర్జాతీయ దృష్టి మళ్లగా, ఆంధ్రప్రదేశ్ను ప్రపంచ పెట్టుబడిదారుల గమ్యస్థానంగా నిలబెట్టే దిశగా ఈ ప్రయత్నం కొనసాగుతోంది.
Read hindi news: https://hindi.vaartha.com
Epaper : https://epaper.vaartha.com/