ఆంధ్రప్రదేశ్ రాష్ట్రంలోని నంద్యాల జిల్లాలో ఇటీవల వెలుగులోకి వచ్చిన సౌభాగ్య పౌడర్ ఘటన మహిళలకు మరోసారి గట్టి హెచ్చరికగా నిలిచింది. షాపుల్లో విక్రయిస్తున్న ఈ సౌభాగ్య పౌడర్ (Saubhagya Powder) ప్యాకెట్లను పోలీసులు స్వాధీనం చేసుకోవడంతో ఈ అంశం రాష్ట్రవ్యాప్తంగా చర్చనీయాంశమైంది. సాధారణంగా ఇళ్ల ముందు శుభ్రత కోసం పేడ లేదా ఇతర సాంప్రదాయ పద్ధతులను ఉపయోగిస్తారు. కానీ గత కొంతకాలంగా కొన్ని ప్రాంతాల్లో పేడ బదులుగా సౌభాగ్య పౌడర్ ప్యాకెట్లు కొనుగోలు చేసి నీటిలో కలిపి ఇంటి ముందు చల్లడం అలవాటుగా మారింది. ఈ పౌడర్ను తక్కువ ధరలో సులభంగా లభిస్తోందని భావించి చాలామంది మహిళలు ఉపయోగిస్తున్నారు.
హానికర రసాయనాలు
అయితే తాజాగా పోలీసులు వెల్లడించిన వివరాలు ఈ పౌడర్ వినియోగంపై పెద్ద ఆందోళన కలిగిస్తున్నాయి. సౌభాగ్య పౌడర్లో ప్రమాదకరమైన కెమికల్స్ ఉన్నట్లు ల్యాబ్ పరీక్షల్లో తేలింది. ఈ పౌడర్ నీటిలో కలపగానే వాయువీయ రూపంలో హానికర రసాయనాలు బయటకు వస్తున్నాయని, వాటిని పీల్చడం ఆరోగ్యానికి తీవ్రమైన ముప్పుగా మారుతుందని వైద్య నిపుణులు హెచ్చరిస్తున్నారు. ముఖ్యంగా శ్వాసకోశ సమస్యలు (Respiratory problems), చర్మవ్యాధులు, కంటి సమస్యలు వంటి అనారోగ్య సమస్యలు ఏర్పడే ప్రమాదం ఎక్కువగా ఉందని చెబుతున్నారు.
పౌడర్ డేంజర్
గత కొంతకాలంగా సౌభాగ్య పేరుతో కిరాణా షాపుల్లో దొరికే ప్యాకెట్లను మహిళలు కొనుగోలు చేస్తున్నారు. పేడకు బదులుగా అదే రంగులో ఉండేలా.. ఈ పౌడర్ను నీళ్లలో కలిపి ఇళ్ల ముందు చల్లుతున్నారు. అయితే పౌడర్ డేంజర్ అని.. దీనిని ఉపయోగించొద్దని హెచ్చరిస్తున్నారు పోలీసులు. ఇప్పుడు ఈ సౌభాగ్య ప్యాకెట్ల అంశంపై సోషల్ మీడియాలో చర్చ జరుగుతోంది. ఇటీవల కాలంలో తెలుగు రాష్ట్రాల్లో ఈ సౌభాగ్య పౌడర్ వాడకం పెరిగిందని చెబుతున్నారు.. అయితే ఈ సౌభాగ్య పౌడర్ అంశంపై క్లారిటీ రావాల్సి ఉంది.
సౌభాగ్య పౌడర్ అంటే ఏమిటి?
సౌభాగ్య పౌడర్ అనేది కొన్ని ప్రాంతాల్లో ఇళ్ల ముందు నీటిలో కలిపి చల్లే ఉత్పత్తిగా ఉపయోగిస్తున్నారు.
సౌభాగ్య పౌడర్ ఎందుకు డేంజరస్గా పరిగణిస్తున్నారు?
ఈ పౌడర్లో హానికర కెమికల్స్ ఉండటంతో ఆరోగ్యానికి ప్రమాదం కలుగుతుందని అధికారులు హెచ్చరిస్తున్నారు. నీటిలో కలిపిన తర్వాత వాసన, గాలి ద్వారా శరీరానికి హాని కలిగించే అవకాశం ఉంది.
Read hindi news: hindi.vaartha.com
Read Also:
