ఆంధ్రప్రదేశ్లోని కాకినాడ(Road Accident) జిల్లా కిర్లంపూడి మండలం సోమవారం గ్రామం వద్ద శనివారం ఉదయం తీవ్రమైన రోడ్డు ప్రమాదం జరిగింది. పెళ్లి వేడుక ముగించుకుని తిరిగి వస్తున్న ఒక కారు అదుపుతప్పి బస్సు కోసం వేచి ఉన్న విద్యార్థులు, ప్రయాణికులపైకి దూసుకెళ్లడంతో ఈ దుర్ఘటన చోటుచేసుకుంది.
Read Also: Tamil Nadu Crime: మరో మహిళతో ప్రేమ.. 5 నెలల పసివాడిని హతమార్చిన తల్లి
టైర్ పేలడంతో కారు అదుపు తప్పింది
వివరాల ప్రకారం, అన్నవరంలో పెళ్లి ముగించుకుని జగ్గంపేట వైపు వెళ్తున్న కారు ముందు టైర్ అకస్మాత్తుగా పేలిపోవడంతో అదుపు కోల్పోయింది. దాంతో అది రోడ్డుపక్కన(Road Accident) నిలిచున్న రెండు మోటార్ సైకిళ్లను, ఒక రిక్షాను ఢీకొట్టింది. ఈ ఘటనలో ముగ్గురు అక్కడికక్కడే మృతి చెందగా, మరో ఏడుగురికి తీవ్ర గాయాలు అయ్యాయి. గాయపడిన వారిలో ఎక్కువగా విద్యార్థులే ఉన్నారని పోలీసులు తెలిపారు.
బాధితుల వివరాలు
ఈ ప్రమాదంలో మృతులుగా గుర్తించిన వారు —
- మోర్త ఆనందరావు (సోమవారం గ్రామం)
- మోర్త కొండయ్య (సోమవారం గ్రామం)
- కాకాడ రాజు (ఏలేశ్వరం గ్రామం, బొప్పాయి కాయలు అమ్ముకునే వ్యక్తి)
గాయపడినవారికి వైద్యసహాయం
గాయపడిన వారిని మొదట ప్రత్తిపాడు ప్రభుత్వ ఆసుపత్రికి తరలించారు. వారిలో ఇద్దరి పరిస్థితి విషమంగా ఉండటంతో కాకినాడ ప్రభుత్వాసుపత్రికి (Government General Hospital) తరలించారు. సమాచారం అందుకున్న జగ్గంపేట ఎమ్మెల్యే జ్యోతుల నెహ్రూ ప్రమాద స్థలాన్ని సందర్శించి, గాయపడిన వారికి మెరుగైన వైద్యం అందించాలని అధికారులను ఆదేశించారు. ఈ ఘటనపై కిర్లంపూడి పోలీసులు కేసు నమోదు చేసి దర్యాప్తు ప్రారంభించారు.
Read hindi news: hindi.vaartha.com
Epaper: epaper.vaartha.com/
Read Also:
