ప్రకాశం జిల్లాలో(Prakasam district) పోలీసులు వాహన తనిఖీలు నిర్వహిస్తుండగా ఊహించని సంఘటన వెలుగు చూసింది. వినుకొండ ఎమ్మెల్యే మరియు ప్రభుత్వ చీఫ్ విప్ జీవీ. ఆంజనేయులు పేరుతో స్టిక్కర్ అతికించిన ఒక కారును యర్రగొండపాలెం పోలీసులు ఆపారు. అయితే, ఆరా తీసిన తర్వాత కారుకు అతికించిన ఎమ్మెల్యే స్టిక్కర్ నకిలీది అని తేలడంతో పోలీసులు నిర్ఘాంతపోయారు.
Read also: Tatkal Reforms: రైలు ప్రయాణం సులభం: తత్కాల్ బుకింగ్లో కొత్త రూల్స్
ఈ ఘటనకు సంబంధించి మున్వర్ అనే వ్యక్తిని పోలీసులు అరెస్టు చేశారు. మార్కాపురం(Markapuram) ప్రాంతానికి చెందిన మున్వర్ గతంలో గిద్దలూరు మాజీ ఎమ్మెల్యే అన్న రాంబాబు వద్ద కారు డ్రైవర్గా పనిచేశాడు. అదే అనుభవాన్ని అడ్డం పెట్టుకుని, మున్వర్ నకిలీ స్టిక్కర్ను తయారు చేశాడు. మాజీ ఎమ్మెల్యే పేరుపై ఉన్న స్టిక్కర్ను మార్చి, పల్నాడు జిల్లా వినుకొండ ఎమ్మెల్యే జీవీ. ఆంజనేయులు పేరుతో నకిలీ స్టిక్కర్ను చేయించి తన కారుకు అంటించాడు. ఈ నకిలీ స్టిక్కర్తో టోల్గేట్ల వద్ద సిబ్బందిని బురిడీ కొట్టిస్తూ, దర్జాగా టోల్ రుసుములు చెల్లించకుండా తప్పించుకు తిరుగుతున్నట్లు విచారణలో తేలింది.
నెంబర్ ప్లేట్పై బ్లూ స్టిక్కర్: చట్టవిరుద్ధ కార్యకలాపాలపై కేసు నమోదు
Prakasam district: నకిలీ ఎమ్మెల్యే స్టిక్కర్తో పాటు, మున్వర్ తన ఇతియాస్ కారు నంబర్ ప్లేట్లో కూడా మోసపూరిత చర్యలకు పాల్పడ్డాడు. కారు నంబర్ ప్లేట్లోని ‘D’ అనే అక్షరం కనపడకుండా బ్లూ కలర్ స్టిక్కర్ అంటించాడు. ఈ విధంగా నకిలీ స్టిక్కర్లు, మార్చిన నంబర్ ప్లేట్తో జాతీయ రహదారులపై ఉన్న టోల్ గేట్లు, ఫారెస్ట్ టోల్ గేట్ల వద్ద చలనాలు చెల్లించకుండా కారును అద్దెకు తిప్పుతున్నట్లు పోలీసులు తెలిపారు. జాతీయ రహదారిపై ఉన్న మిల్లంపల్లి టోల్ ప్లాజా వద్ద ఎస్సై చౌడయ్య ఆధ్వర్యంలో వెహికల్స్ చెక్ చేస్తుండగా మున్వర్ తన కారుతో వచ్చాడు. నెంబర్ ప్లేట్పై అనుమానం వచ్చిన ఎస్సై ఆరా తీయగా, మున్వర్ తాను ఎమ్మెల్యే కారు డ్రైవర్నంటూ నిర్లక్ష్యంగా, నిరాదరణగా సమాధానమిచ్చాడు. దీంతో పోలీసులు పత్రాలను పరిశీలించగా, ఎమ్మెల్యే స్టిక్కర్తో పాటు నంబర్ ప్లేట్ కూడా నకిలీదని స్పష్టమైంది. మున్వర్పై కేసు నమోదు చేసి, అరెస్టు చేసినట్లు యర్రగొండపాలెం సీఐ అజయ్ కుమార్ తెలిపారు. పోలీస్, ప్రెస్, ఎమ్మెల్యే లేదా ఇతర ప్రభుత్వ లోగోలను దుర్వినియోగం చేస్తూ చట్ట వ్యతిరేక కార్యకలాపాలకు పాల్పడేవారిపై కఠిన చర్యలు తీసుకుంటామని సీఐ హెచ్చరించారు.
నకిలీ స్టిక్కర్తో అరెస్టయిన వ్యక్తి ఎవరు?
మార్కాపురం ప్రాంతానికి చెందిన మున్వర్ అనే వ్యక్తిని యర్రగొండపాలెం పోలీసులు అరెస్టు చేశారు.
మున్వర్ ఏ ఎమ్మెల్యే పేరుతో నకిలీ స్టిక్కర్ను ఉపయోగించాడు?
వినుకొండ ఎమ్మెల్యే మరియు ప్రభుత్వ చీఫ్ విప్ జివి. ఆంజనేయులు పేరుతో.
Read hindi news: hindi.vaartha.com
Epaper : epaper.vaartha.com
Read Also: