Polavaram Funds: ఆంధ్రప్రదేశ్ రాష్ట్ర జీవనాడి అయిన పోలవరం ప్రాజెక్టు విషయంలో కేంద్ర ప్రభుత్వం కీలక నిర్ణయం తీసుకుంది. ప్రాజెక్టు పనుల్లో వేగం పెంచే లక్ష్యంతో ₹1,508 కోట్ల నిధులను అడ్వాన్స్గా విడుదల చేస్తూ కేంద్ర ఆర్థిక శాఖ ఉత్తర్వులు జారీ చేసింది. ప్రస్తుత ఆర్థిక సంవత్సర బడ్జెట్లో పోలవరం కోసం కేటాయించిన మొత్తం నిధుల నుంచి ఈ మొత్తాన్ని ముందస్తుగా మంజూరు చేయాలని రాష్ట్ర ప్రభుత్వం చేసిన అభ్యర్థనకు కేంద్రం సానుకూలంగా స్పందించింది.
Read Also:PM Kisan 22nd Installment:పీఎం కిసాన్ డబ్బులు రాలేదా.. ఇలా ఫిర్యాదు చేయండి !
పోలవరం పనుల కోసం ₹1,508 కోట్ల విడుదల!
ఈ నిధుల వినియోగానికి సంబంధించి స్పష్టమైన ప్రణాళికను సిద్ధం చేశారు. విడుదలైన మొత్తం ₹1,508 కోట్లలో, ₹500 కోట్లను ప్రాజెక్టు ప్రధాన నిర్మాణ పనుల కోసం కేటాయించారు. మరో ₹500 కోట్లను ముంపు బాధితుల పునరావాసం మరియు సహాయక చర్యల (R&R) కోసం వెచ్చించనున్నారు. మిగిలిన ₹508 కోట్లను ప్రాజెక్టుకు సంబంధించిన ఇతర అత్యవసర అవసరాలకు ఉపయోగించనున్నట్లు తెలుస్తోంది.
కేంద్రం నుంచి ఈ అడ్వాన్స్ నిధులు అందడంతో ప్రాజెక్టు పనులకు ఆర్థిక అడ్డంకులు తొలగిపోయాయి. ముఖ్యంగా వరదలు రాకముందే కీలక పనులను పూర్తి చేయాలని భావిస్తున్న ఏపీ ప్రభుత్వానికి ఈ నిధుల విడుదల పెద్ద ఊరటనిచ్చింది. బడ్జెట్లో కేటాయించిన ₹5,936 కోట్లలో భాగంగానే ఈ నిధులు విడుదలైనప్పటికీ, పనుల ఆవశ్యకత దృష్ట్యా కేంద్రం ముందుగానే గ్రీన్ సిగ్నల్ ఇవ్వడం విశేషం.
Read hindi news: hindi.vaartha.com
Epaper : epaper.vaartha.com
Read Also: