ఉప ముఖ్యమంత్రి మరియు అటవీ శాఖ మంత్రి పవన్ కల్యాణ్ ఎర్రచందనం (Red Sandalwood) అక్రమ రవాణాపై కఠిన వైఖరి అవలంబించారు. శేషాచలం అడవులను రక్షించడం రాష్ట్రానికి అత్యంత ముఖ్యమని భావించిన ఆయన, అటవీశాఖ ఉన్నతాధికారులతో టెలీకాన్ఫరెన్స్ ద్వారా పరిస్థితులను సమీక్షించి, ఎర్రచందనం దుంగ ఒక్కటి కూడా అడవుల నుంచి బయటకు వెళ్లకుండా పటిష్ఠ నిఘా ఏర్పాటు చేయాలని ఆదేశించారు. గత ప్రభుత్వ సమయంలో స్మగ్లింగ్ నిరోధక టాస్క్ఫోర్స్ బలహీనపడటంతో భారీగా చెట్ల నరికివేత జరిగిందని పవన్ ఆరోపించారు. అక్రమ రవాణా మీద పూనుకున్న నెట్వర్క్ను పూర్తిగా కూల్చేయాలని, స్మగ్లింగ్కు పాల్పడుతున్న కింగ్పిన్లను చట్టపరంగా శిక్షించేందుకు చర్యలు వేగవంతం చేయాలని ఆయన స్పష్టం చేశారు.
Read also: Rain Alert: తిరుపతి, నెల్లూరు జిల్లాలకు భారీ వర్ష సూచన
Pawan kalyan: ఎర్రచందనం అక్రమ రవాణాపై పవన్ కల్యాణ్ సమీక్ష
ఎర్రచందనం అమ్మకాల ద్వారా
అక్రమ రవాణా అరికట్టడానికి ఆధునిక సాంకేతికతను వినియోగించాలని పవన్ కల్యాణ్ సూచించారు. డ్రోన్లు, సీసీ కెమెరాలు, చెక్పోస్టుల్లో పటిష్ఠ భద్రత వంటి చర్యలతో ఎర్రచందనం సంరక్షణను మరింత బలపరచాలని చెప్పారు. ఎర్రచందనం అమ్మకాల ద్వారా లభించే ఆదాయంలో కొంత భాగాన్ని వనాల అభివృద్ధికి వినియోగించే ఆలోచనను ఆయన వెల్లడించారు. కేంద్ర ప్రభుత్వ సహకారంతో నేపాల్ సహా ఇతర ప్రాంతాల్లో స్వాధీనం చేసుకున్న ఎర్రచందనాన్ని తిరిగి రప్పించే ప్రక్రియ కొనసాగుతున్నట్లు పవన్ తెలిపారు. అటవీ సిబ్బంది బాధ్యతతో వ్యవహరించాలని, సమాచారం లీక్ చేసే వారిపై కఠిన చర్యలు తీసుకుంటామని స్పష్టం చేశారు.
Read hindi news : hindi.vaartha.com
Epaper : epapervaartha.com
Read Also:
