ఆంధ్రప్రదేశ్ ఉప ముఖ్యమంత్రి మరియు జనసేన పార్టీ అధినేత పవన్ కల్యాణ్, ఇటీవల తన ఆరోగ్యంపై పలువురు రాజకీయ ప్రముఖులు వ్యక్తపరిచిన ఆందోళనకు స్పందిస్తూ, వారందరికీ సామాజిక మాధ్యమాల ద్వారా హృదయపూర్వక ధన్యవాదాలు తెలిపారు. రాష్ట్ర గవర్నర్, ముఖ్యమంత్రి, మరియు ఐటీ శాఖ మంత్రి నారా లోకేశ్ సహా పలువురికి ప్రత్యేకంగా అభినందనలు, కృతజ్ఞతలు తెలిపారు.
గవర్నర్ అబ్దుల్ నజీర్కు మనస్పూర్తి ధన్యవాదాలు
పవన్ కల్యాణ్ తన సోషల్ మీడియా వేదికగా గవర్నర్ ఎస్. అబ్దుల్ నజీర్ (Abdul Nazir)వ్యక్తం చేసిన ఆందోళనపై స్పందించారు. తన ఆరోగ్యం పట్ల గవర్నర్ చూపిన శ్రద్ధకు కృతజ్ఞతలు తెలిపారు. “ఆయన ప్రేమ, ఆదరణ నాకు గొప్ప ధైర్యం ఇచ్చాయి” అని పేర్కొన్నారు.
ముఖ్యమంత్రి చంద్రబాబు సానుభూతికి కృతజ్ఞతలు
ముఖ్యమంత్రి నారా చంద్రబాబు నాయుడు (Chandrababu Naidu)తన ఆరోగ్యం గురించి వాకబు చేయడమే కాకుండా, పవన్ తాజా చిత్రం ‘ఓజీ’ విజయంపై ప్రత్యేకంగా అభినందనలు తెలిపారు. ఈ విషయాన్ని గుర్తు చేస్తూ పవన్, సీఎం చంద్రబాబుకు ప్రత్యేక ధన్యవాదాలు తెలిపారు. “మీ శుభాకాంక్షలు నాకు కొత్త ఉత్సాహాన్ని ఇచ్చాయి” అని చెప్పారు.
నారా లోకేశ్ కు కృతజ్ఞతలు తెలిపిన పవన్
నారా లోకేశ్ పంపిన సందేశాన్ని గుర్తు చేసిన పవన్, “మీ ఆందోళన మరియు సందేశం నన్ను ఎంతో ఆనందానికి గురిచేసింది” అంటూ, లోకేశ్కు తన కృతజ్ఞతలు తెలియజేశారు. రాజకీయ విభేదాలకు అతీతంగా ఇలాంటి పరస్పర గౌరవం ప్రజల మనసులు గెలుస్తోంది.
గత నాలుగు రోజులుగా వైరల్ ఫీవర్తో బాధపడుతున్న పవన్ కల్యాణ్ ఆరోగ్యం పై అభిమానులు, రాజకీయ నాయకులు, సినీ ప్రముఖులు పెద్ద ఎత్తున ఆందోళన వ్యక్తం చేస్తున్నారు. సోషల్ మీడియాలో పవన్కు త్వరగా కోలుకోవాలంటూ శుభాకాంక్షలు వెల్లువెత్తుతున్నాయి.
Read hindi news: hindi.vaartha.com
Read Also: