Pawan kalyan-ఆంధ్రప్రదేశ్ డిప్యూటీ సీఎం పవన్ కళ్యాణ్ మాట్లాడుతూ, ప్రజలు కోరుకున్న పాలనే కూటమి ప్రభుత్వం అందిస్తోందని స్పష్టం చేశారు. అనంతపూర్లో నిర్వహించిన సూపర్ సిక్స్ సూపర్ హిట్ విజయోత్సవ సభలో ఆయన మాట్లాడుతూ, ఆర్థిక ఇబ్బందులు ఉన్నా వాగ్దానాలను నెరవేర్చడంలో వెనుకడుగు వేయమని చెప్పారు. రాయలసీమను అభివృద్ధి(Rayalaseema) చేసి రత్నాల సీమగా మార్చడమే తమ సంకల్పమని తెలిపారు. ప్రతి కుటుంబానికి రూ.25 లక్షల వరకు ఆరోగ్య బీమా(Health Scheme) అందించే పథకాన్ని అమలు చేస్తున్నామని పేర్కొన్నారు. యువత, మహిళలు, రైతుల భవిష్యత్తు కోసం సంక్షేమ కార్యక్రమాలు చేపడుతున్నామని చెప్పారు.
గ్రామీణ అభివృద్ధి – రికార్డు స్థాయి గ్రామసభలు
ఒకే రోజు రికార్డు స్థాయిలో గ్రామసభలు నిర్వహించడం ద్వారా ప్రజలతో ప్రత్యక్షంగా మమేకమయ్యామని పవన్ గుర్తు చేశారు. రాష్ట్రంలోని ప్రతి ఒక్కరూ ఆనందంగా ఉండాలని, పార్టీలు వేరైనా రాష్ట్ర హితం కోసం కలిసి పని చేస్తున్నామని తెలిపారు. రాయలసీమ వెనుకబాటుతనం, నీటి వనరులు, పారిశ్రామికీకరణపై ముఖ్యమంత్రి త్వరలోనే మాట్లాడతారని చెప్పారు. అలాగే పర్యాటక రంగంలో 10 వేల కోట్ల పెట్టుబడులు ఆకర్షిస్తున్నామని తెలిపారు. పంచాయతీ రాజ్ శాఖ ఆధ్వర్యంలో 13,300 గ్రామపంచాయతీలలో గ్రామసభలు జరపడం ఒక కొత్త రికార్డని అన్నారు.
మౌలిక వసతులు – రోడ్లు, నీటి ప్రాజెక్టులు, సంక్షేమ పథకాలు
పవన్ కళ్యాణ్ (Pawan Kalyan)వివరించిన ప్రకారం, ఇప్పటివరకు 2007 కి.మీ. బీటీ రోడ్లు, 4000 కి.మీ. సీసీ రోడ్లు నిర్మించారు. 1.5 లక్షల చెరువులను తవ్వి 1 టీఎంసీ నీటిని నిల్వ చేయగలిగారు. మూగజీవాల కోసం 1500 పైగా నీటి తొట్లు, 22,518 మినీ గోకులాలు ఏర్పాటు చేశారు. అడవితల్లి బాట కార్యక్రమంలో భాగంగా, కేంద్రం సహకారంతో 1069 కి.మీ. రోడ్లు నిర్మించగా, గర్భిణీ స్త్రీలకు సౌకర్యవంతమైన రవాణా అందిస్తున్నారని తెలిపారు. జల్ జీవన్ మిషన్ కింద రూ.7910 కోట్లతో నీటి ప్రాజెక్టులు ప్రారంభించామని చెప్పారు.
పవన్ కళ్యాణ్ ఏ సభలో ప్రసంగించారు?
అనంతపూర్లో జరిగిన సూపర్ సిక్స్ సూపర్ హిట్ విజయోత్సవ సభలో ఆయన మాట్లాడారు.
ఆరోగ్య బీమా పథకం కింద ఎంత వరకు సాయం అందుతుంది?
ఒక్కో కుటుంబానికి రూ.25 లక్షల వరకు ఆరోగ్య బీమా వర్తిస్తుంది.
Read hindi news:hindi.vaartha.com
Read Also: