విజయనగరం జిల్లాలోని జాడవారి కొత్తవలస గ్రామానికి చెందిన ఇంటర్ విద్యార్థి రాజాపు సిద్ధూ (Rajapu Sidhu) తన ప్రతిభతో రాష్ట్రవ్యాప్తంగా ప్రశంసలు అందుకుంటున్నాడు. రోజూ కళాశాలకు వెళ్లేందుకు ఎదురవుతున్న ప్రయాణ సమస్యను ఎదుర్కొనేందుకు అతను సొంతంగా తయారు చేసిన బ్యాటరీ నడిచే సైకిల్ ఆవిష్కరణగా నిలిచింది. ఈ సైకిల్ను సిద్ధూ తక్కువ ఖర్చుతో తయారుచేసిన తీరు సాంకేతికతపై అతడి అంకితభావాన్ని చూపిస్తుంది.
సైకిల్ ప్రత్యేకతలు
అతడు సొంతంగా అతి తక్కువ ఖర్చుతో బ్యాటరీతో నడిచే సైకిల్ (Battery-powered bicycle)ను రూపొందించాడు. ఈ సైకిల్ను కేవలం మూడు గంటలు ఛార్జ్ చేస్తే 80 కిలోమీటర్ల వరకు ప్రయాణిస్తుందని సిద్ధూ వివరించాడు.
పవన్ కల్యాణ్ ఉదారత
ఈ వినూత్న ఆవిష్కరణపై ఆంధ్రప్రదేశ్ ఉప ముఖ్యమంత్రి పవన్ కల్యాణ్ (Pawan Kalyan) స్పందన ప్రజల మనసులను గెలుచుకుంది. విద్యార్థి ప్రతిభను మెచ్చుకుంటూ, అతనికి ప్రత్యేక అభినందనలు తెలిపారు. కేవలం ప్రశంసలకే పరిమితమవకుండా, తన చేతులారా సిద్ధూ తయారు చేసిన సైకిల్పై అతడిని కూర్చోబెట్టుకుని స్వయంగా తొక్కి ఉత్సాహపరిచారు.
మంగళగిరిలో ప్రత్యేక ఆహ్వానం
సిద్ధూ ప్రతిభ గురించి సామాజిక మాధ్యమాల ద్వారా తెలుసుకున్న పవన్ కల్యాణ్ (Pawan Kalyan), అతడిని మంగళగిరిలోని తన క్యాంపు కార్యాలయానికి ఆహ్వానించారు. సిద్ధూ ఆలోచనలను, ఆవిష్కరణల వివరాలను ఆసక్తిగా అడిగి తెలుసుకున్నారు. అతడి ఆలోచనలకు మరింత పదును పెట్టాలని ఆకాంక్షిస్తూ, ప్రోత్సాహకంగా లక్ష రూపాయల చెక్కును అందజేశారు. దీంతో పాటు సిద్ధూ రూపొందించిన ‘గ్రాసరీ గురూ’ వాట్సప్ సర్వీస్ బ్రోచర్ను కూడా చూసి ప్రత్యేకంగా మెచ్చుకున్నారు. యువ ఆవిష్కర్తను పవన్ ప్రోత్సహించిన తీరుపై సర్వత్రా హర్షం వ్యక్తమవుతోంది.
తల్లిదండ్రులు, గ్రామస్థుల హర్షం
ఈ గౌరవానికి సిద్ధూ తల్లిదండ్రులు మరియు గ్రామస్థులు ఎంతో ఆనందం వ్యక్తం చేశారు. ఒక సాధారణ కుటుంబంలో పుట్టిన బాలుడు ఇలా రాష్ట్ర నాయకుడి ప్రశంసలు అందుకోవడం అరుదైన విషయం .
కళ్యాణ్ అసలు పేరు ఏమిటి?
పవన్ కళ్యాణ్ అసలు పేరు కొణిదెల కళ్యాణ్ బాబు . 1996లో తన మొదటి సినిమా ‘అక్కడ అబ్బాయి ఇక్కడ అమ్మాయి’ సినిమాకి పనిచేసినప్పుడు తనను తాను పవన్ కళ్యాణ్ అని పిలుచుకోవడం ప్రారంభించాడు.
పవన్ కల్యాణ్ ఏ పార్టీలో నాయకత్వం వహిస్తున్నారు?
పవన్ కల్యాణ్, జనసేన పార్టీ నాయకుడిగా ఉన్న ఆయన 2024 జూన్ నుంచి ఆంధ్రప్రదేశ్ ఉప ముఖ్యమంత్రిగా పదవిని నిర్వహిస్తున్నారు.
Read hindi news: hindi.vaartha.com
Read also: Rajat Bhargava: ఏపీ లిక్కర్ స్కామ్ కేసులో ఐఏఎస్ భార్గవకి నోటీసులు