ఆంధ్రప్రదేశ్ శాసనసభలో ద్రవ్య వినిమయ బిల్లుపై జరిగిన చర్చలో డిప్యూటీ సీఎం పవన్ కళ్యాణ్ వైసీపీ గత పాలనపై నిప్పులు చెరిగారు. వైసీపీ హయాంలో జరిగిన “ఆర్ధిక, పర్యావరణ, మరియు ప్రకృతి విధ్వంసం” వల్ల రాష్ట్రం ఏకంగా 30 ఏళ్లు వెనక్కి వెళ్లిందని ఆయన ఆవేదన వ్యక్తం చేశారు. గత ప్రభుత్వం దాదాపు రూ. 9.74 లక్షల కోట్ల అప్పులు చేసి రాష్ట్రాన్ని గందరగోళంలోకి నెట్టిందని, అందులో కేవలం కాంట్రాక్టర్లకే రూ. 1.35 లక్షల కోట్లు బకాయిలు పెట్టిందని లెక్కలతో సహా వివరించారు. కూటమి ప్రభుత్వం ఈ ఆర్థిక సంక్షోభం నుండి రాష్ట్రాన్ని గట్టెక్కించేందుకు ప్రయత్నిస్తూనే, మరోవైపు అభివృద్ధి మరియు సంక్షేమ పథకాలను సమర్థవంతంగా అమలు చేస్తోందని పవన్ కళ్యాణ్ స్పష్టం చేశారు.
Telangana: ప్రభుత్వ పాఠశాలల్లో కొత్త మెనూ: ఇకపై మధ్యాహ్న భోజనంలో చేపలు!
కేవలం విమర్శలకే పరిమితం కాకుండా, గత ఐదేళ్ల వైసీపీ పాలనకు మరియు ప్రస్తుత కూటమి ప్రభుత్వం సాధించిన 20 నెలల విజయాలకు మధ్య ఉన్న వ్యత్యాసాన్ని పవన్ కళ్యాణ్ గణాంకాలతో వివరించారు. గ్రామీణాభివృద్ధి కోసం వైసీపీ ఐదేళ్లలో కేవలం రూ. 4,610 కోట్లు ఖర్చు చేస్తే, కూటమి ప్రభుత్వం కేవలం 20 నెలల్లోనే రూ. 11,506 కోట్లు వెచ్చించిందని తెలిపారు. రోడ్ల నిర్మాణం విషయంలోనూ వైసీపీ హయాంలో కేవలం 854 కి.మీ సీసీ రోడ్లు వేస్తే, తమ ప్రభుత్వం 6,000 కి.మీ నిర్మించిందని వెల్లడించారు. రాష్ట్రం సర్వతోముఖాభివృద్ధి సాధించాలంటే కనీసం మరో 15 ఏళ్లు కూటమి ప్రభుత్వం అధికారంలో ఉండాలని ఆయన పిలుపునిచ్చారు.
వేసవి కాలాన్ని దృష్టిలో ఉంచుకుని తాగునీటి ఎద్దడి లేకుండా ప్రభుత్వం తీసుకుంటున్న చర్యలను పవన్ వివరించారు. గత ప్రభుత్వం నిర్లక్ష్యం చేసిన పులివెందుల, ఉద్దానం వంటి ప్రాజెక్టులకు రూ. 400 కోట్లు కేటాయించామని, అలాగే ఐదు జిల్లాల్లో రూ. 7,910 కోట్లతో మెగా వాటర్ గ్రిడ్ ప్రాజెక్టులను ప్రారంభించినట్లు తెలిపారు. జల్ జీవన్ మిషన్ ద్వారా మూడు వేల గ్రామాల్లో నీటి సమస్యకు శాశ్వత పరిష్కారం చూపుతున్నామని చెప్పారు. కేంద్రం ఇచ్చే నిధులను కూడా వాడుకోలేకపోయిన గత ప్రభుత్వ అసమర్థత వల్ల రాష్ట్రం నష్టపోయిందని, కానీ ప్రస్తుత ప్రభుత్వం పారదర్శకతతో ముందుకు సాగుతోందని డిప్యూటీ సీఎం ఉద్ఘాటించారు.
వాళ్లది విధ్వంస, విచ్ఛిన్న పాలన.. మాది దక్షత, దార్శనిక పాలన
•గత ప్రభుత్వ ఆర్ధిక విధ్వంసం రాష్ట్రాన్ని 30 ఏళ్లు వెనక్కి నెట్టింది
•అడుగడుగునా అప్పులు మిగిల్చారు.. కేంద్ర ప్రభుత్వ ప్రాయోజిత పథకాలనీ పక్కన పెట్టారు
•అనాలోచిత నిర్ణయాలతో విద్యుత్ సంస్థలకు రూ. 1.29 లక్షల కోట్ల నష్టం… pic.twitter.com/fcTjeF8g7R— Deputy CMO, Andhra Pradesh (@APDeputyCMO) March 7, 2026