గుంటూరు జిల్లా తాడేపల్లిలోని మహానాడు కాలనీలో బుధవారం సాయంత్రం జరిగిన ‘సుపరిపాలనలో తొలి అడుగు’ కార్యక్రమంలో మంత్రి నారా లోకేశ్ (Nara Lokesh) పాల్గొన్నారు. కూటమి ప్రభుత్వం ఏడాది పాలనలో చేసిన అభివృద్ధి, సంక్షేమ పథకాలను కరపత్రాల ద్వారా ప్రజలకు ఆయన నేరుగా వివరించారు. ప్రతి ఇంటికీ వెళ్లి మమకారంగా పలకరిస్తూ లోకేశ్ ముందుకు సాగారు.ఇంటింటికీ తిరుగుతూ ప్రజలతో ముఖాముఖి మాట్లాడిన (Spoke to people face to face) లోకేశ్కి స్థానికులు తమ సమస్యలను తెలియజేశారు. బేసిక్ సౌకర్యాల కొరత, డ్రైనేజీ సమస్యలు వంటి అంశాలు ప్రస్తావించారు. వాటిని శ్రద్ధగా విన్న మంత్రి… వీటి పరిష్కారానికి చర్యలు తీసుకుంటానని హామీ ఇచ్చారు.
రిటైనింగ్ వాల్ పనులపై అధికారులకు స్పష్టమైన ఆదేశాలు
ఈ పర్యటనలో భాగంగా లోకేశ్ సీతానగరం వద్ద కృష్ణా నది తీరాన ఉన్న రిటైనింగ్ వాల్ ప్రాంతాన్ని కూడా పరిశీలించారు. ప్రజల భద్రతకు ఈ నిర్మాణం అత్యవసరం అని భావించిన మంత్రి… పనులను తక్షణమే ప్రారంభించాలంటూ అధికారులకు ఆదేశాలు జారీ చేశారు.వెదుళ్ల మధుబాబు అనే బీసీ వర్గానికి చెందిన వ్యక్తి ఇంటికి మంత్రి లోకేశ్ ప్రత్యేకంగా వెళ్లారు. ప్రభుత్వ పథకాలు ఎలా అందుతున్నాయన్న విషయంపై వారి అభిప్రాయాన్ని తెలుసుకున్నారు. దీనిపై మధుబాబు కుటుంబం హర్షం వ్యక్తం చేసింది.
పథకాలతో మేం బాగుపడుతున్నాం : మధుబాబు కుటుంబం
ఇతన్ని ఏజెన్సీలకు తిరగాల్సిన అవసరం రాలేదు. ప్రభుత్వం ఇంటిపట్టా మాకు నేరుగా అందించింది. ఫ్రీ రిజిస్ట్రేషన్తోపాటు భోజనం, బట్టలు కూడా ఇచ్చారు. మా కుమార్తెకు ‘తల్లికి వందనం’ ద్వారా సహాయం వచ్చింది. గ్యాస్ సబ్సిడీ కూడా బ్యాంక్ ఖాతాలో జమైంది. మా కుమారుడు ఇంటర్ పూర్తి చేశాడు. త్వరలోనే ఇంజనీరింగ్లో చేరనున్నాడు” అని కుటుంబ సభ్యులు మంత్రితో చెప్పారు.పథకాలు నేరుగా లబ్దిదారులకు చేరుతున్నాయన్న విషయాన్ని తెలుసుకుని మంత్రి లోకేశ్ సంతృప్తి వ్యక్తం చేశారు. “ప్రతి పథకం ఆఖరి వ్యక్తికి అందాలి. అదే నిజమైన పాలన,” అని ఆయన స్పష్టం చేశారు.
Read Also : Nara Lokesh : మంగళగిరిలో లోకేశ్ కు స్వాగతం పలికిన ప్రజలు