Nara Lokesh: కర్నూలు యువత విద్యా పురోగతికి కీలకంగా భావిస్తున్న క్లస్టర్ యూనివర్సిటీ ప్రాజెక్టుపై రాష్ట్ర విద్యాశాఖ మంత్రి నారా లోకేష్ శుభవార్త చెప్పారు. పెండింగ్లో ఉన్న యూనివర్సిటీ నిర్మాణ పనులను వచ్చే విద్యా సంవత్సరంలోగా పూర్తి చేస్తామని ఆయన శాసనసభలో ప్రకటించారు.
Read Also:AP Police- Supreme Court: ఆంధ్రా పోలీసుల తీరుపై సుప్రీంకోర్టు ఆగ్రహం
వచ్చే విద్యా సంవత్సరంలోగా పెండింగ్ పనుల ముగింపు
పాణ్యం ఎమ్మెల్యే గౌరు చరితారెడ్డి అడిగిన ప్రశ్నకు సమాధానంగా మంత్రి లోకేష్ ఈ హామీ ఇచ్చారు. రాష్ట్ర విభజన తర్వాత అప్పటి ముఖ్యమంత్రి చంద్రబాబు నాయుడు కర్నూలులోని సిల్వర్ జూబ్లీ, కేవీఆర్ మహిళా డిగ్రీ, ప్రభుత్వ డిగ్రీ కాలేజీలను కలిపి క్లస్టర్ యూనివర్సిటీ ఏర్పాటు చేసినట్లు ఎమ్మెల్యే చరితారెడ్డి గుర్తు చేశారు. అయితే గత వైసీపీ ప్రభుత్వ కాలంలో ఈ ప్రాజెక్టు నిర్లక్ష్యానికి గురై పనులు నిలిచిపోయాయని ఆమె విమర్శించారు. నిర్మాణ పనులు ఆగిపోవడంతో యూనివర్సిటీ ప్రాంగణం అసాంఘిక కార్యకలాపాలకు కేంద్రంగా మారుతోందని ఆమె ఆందోళన వ్యక్తం చేస్తూ, ఈ ప్రాజెక్టుపై ప్రభుత్వ విధానాన్ని ప్రకటించాలని కోరారు.
దీనికి స్పందించిన మంత్రి నారా లోకేష్, క్లస్టర్ యూనివర్సిటీ కోసం గతంలో టీడీపీ ప్రభుత్వం రూ.139 కోట్ల నిధులు మంజూరు చేసిందని తెలిపారు. రూసా పథకం కింద ఇప్పటికే రూ.55 కోట్ల వ్యయం చేశామని, మిగిలిన పనుల కోసం మరో రూ.74.5 కోట్ల అవసరం ఉందని వెల్లడించారు. ఈ నిధులతో వచ్చే విద్యా సంవత్సరంలోగా అన్ని పనులు పూర్తిచేసేందుకు చర్యలు తీసుకుంటామని హామీ ఇచ్చారు. అభివృద్ధి కార్యక్రమాల్లో క్లస్టర్ బేస్డ్ విధానాన్ని ప్రభుత్వం అనుసరిస్తుందని, దీనికి వర్టికల్ మరియు హారిజాంటల్ ఇంటిగ్రేషన్ అవసరమని మంత్రి పేర్కొన్నారు. అవసరమైన ఎకోసిస్టమ్ను రూపొందించి విద్యా రంగాన్ని బలోపేతం చేస్తామని ఆయన స్పష్టం చేశారు.
Read hindi news: hindi.vaartha.com
Epaper: epaper.vaartha.com
Read Also: