భారత మహిళల అంధుల క్రికెట్ జట్టు చరిత్ర సృష్టించింది. మొట్టమొదటిసారిగా నిర్వహించిన మహిళల అంధుల టీ20 ప్రపంచకప్ను కైవసం చేసుకుని సరికొత్త అధ్యాయాన్ని లిఖించింది. కొలంబో వేదికగా జరిగిన ఫైనల్లో నేపాల్పై 7 వికెట్ల తేడాతో ఘన విజయం సాధించి విశ్వవిజేతగా నిలిచింది. టోర్నమెంట్ ఆసాంతం అద్భుత ప్రదర్శన కనబరిచిన భారత జట్టు, ఒక్క మ్యాచ్ కూడా ఓడిపోకుండా అజేయంగా టైటిల్ను ముద్దాడింది.
Read Also: Smriti Mandhana: క్రికెటర్ మంధాన పెళ్లి వాయిదా
అసాధారణ ప్రతిభ
ఈ సందర్భంగా లోకేశ్ ( Nara Lokesh ) స్పందిస్తూ, “భారత జట్టు ధైర్యం, పట్టుదల ప్రపంచ వేదికపై ప్రకాశించడం ఎంతో ఆనందంగా ఉంది. వారు దేశానికి గొప్ప కీర్తిని తీసుకువచ్చారు” అని కొనియాడారు. భారత క్రీడాకారిణుల అద్భుత ప్రదర్శన ఎంతో స్ఫూర్తిదాయకమని ఆయన పేర్కొన్నారు.
అదే సమయంలో, ఫైనల్లో చివరి వరకు పోరాడిన నేపాల్ జట్టును కూడా లోకేశ్ ( Nara Lokesh ) అభినందించారు. వారి పోరాట పటిమ ప్రశంసనీయమని తెలిపారు. ఈ మేరకు తన సందేశానికి #WomensBlindCricket అనే హ్యాష్ట్యాగ్ను జోడించారు. అసాధారణ ప్రతిభతో దేశం గర్వపడేలా చేసిన భారత జట్టుకు పలువురు ప్రముఖుల నుంచి ప్రశంసలు వెల్లువెత్తుతున్నాయి.
Read hindi news : hindi.vaartha.com
Epaper : epapervaartha.com
Read Also: