ఆసియా అథ్లెటిక్స్ ఛాంపియన్షిప్లో అద్భుతమైన ప్రదర్శనతో బంగారు పతకం సాధించిన భారత అథ్లెట్ జ్యోతి యర్రాజీపై ప్రశంసల వెల్లువ కురుస్తోంది. ఈ నేపథ్యంలో తెలుగుదేశం పార్టీ అధినేత కుటుంబ సభ్యురాలు నారా భువనేశ్వరి(Nara Bhuvaneshwari) గారు తన అధికారిక ఎక్స్ (X) ఖాతా ద్వారా జ్యోతి యర్రాజీకి అభినందనలు తెలిపారు.
Read also: MS Dhoni : అమరావతికి రాబోతున్న ధోనీ
జ్యోతి యర్రాజీ(Jyothi Yarraji) సాధించిన ఈ విజయం దేశానికే గర్వకారణమని పేర్కొన్న నారా భువనేశ్వరి, ఇటువంటి ఘన విజయాలు సంవత్సరాల తరబడి చేసిన క్రమశిక్షణ, త్యాగం మరియు కఠోర సాధనకు ప్రతిఫలమని వ్యాఖ్యానించారు. అంతర్జాతీయ వేదికపై భారత జెండాను ఎగరవేసిన జ్యోతి విజయగాధ ఎంతోమంది యువ క్రీడాకారులకు స్ఫూర్తిగా నిలుస్తుందని ఆమె అన్నారు.
అదే విధంగా జ్యోతి యర్రాజీ క్రీడా ప్రయాణానికి ప్రభుత్వపరంగా అందించిన ఆర్థిక సహాయంపై కూడా నారా భువనేశ్వరి ప్రస్తావించారు. ఈ సహకారాన్ని అందించిన హెచ్ఆర్డీ శాఖ మంత్రి నారా లోకేష్ను ఆమె ప్రత్యేకంగా అభినందించారు. ప్రతిభకు తగిన ప్రోత్సాహం లభిస్తే భారత క్రీడాకారులు అంతర్జాతీయ స్థాయిలో మరిన్ని విజయాలు సాధిస్తారని ఆమె అభిప్రాయపడ్డారు. భవిష్యత్తులో కూడా జ్యోతి యర్రాజీ మరిన్ని ఉన్నత శిఖరాలను అధిరోహిస్తూ, భారతదేశానికి మరింత కీర్తి ప్రతిష్టలు తీసుకురావాలని నారా భువనేశ్వరి ఆకాంక్షించారు. మహిళా క్రీడాకారిణులు ముందుకు సాగేందుకు ఈ తరహా విజయాలు దోహదపడతాయని ఆమె అభిప్రాయాన్ని వ్యక్తం చేశారు.
Read hindi news: hindi.vaartha.com
Epaper: epaper.vaartha.com
Read Also: