జైలు నుంచి విడుదలైన నందిగాం సురేష్

వైఎస్‌ఆర్‌సీపీ నేత, మాజీ పార్లమెంట్ సభ్యుడు నందిగం సురేష్‌ జైలు నుండి విడుదలయ్యారు. వెలగపూడికి చెందిన మరియమ్మ అనే మహిళ హత్య కేసులో గుంటూరు కోర్టు వైఎస్‌ఆర్‌సీపీ నేత నందిగం సురేష్‌కు బెయిల్ మంజూరు చేసింది. 145 రోజుల తర్వాత ఆయన జైలు నుంచి విడుదల అయ్యారు. కోర్టు బెయిల్ ఆమోదించినప్పటికీ, ష్యూరిటీలు సమర్పించడంలో జాప్యం కారణంగా నిన్న ఆయనను విడుదల చేయలేదు. అన్ని లాంఛనాలు పూర్తి చేసుకున్న అనంతరం ఈ రోజు ఉదయం జైలు అధికారులు ఆయనను విడుదల చేశారు. కోర్టు ₹10,000 పూచీకత్తు బాండ్‌ను సమర్పించాలని ఆదేశించింది.

2020 డిసెంబర్‌లో అమరావతిలో రెండు వర్గాల మధ్య జరిగిన ఘర్షణల్లో మరియమ్మ అనే మహిళ మృతి చెందింది. హింస సమయంలో రాళ్లు రువ్వడంతో ఆమె గాయాలకు గురై మరణించింది. ఆమె కుటుంబసభ్యుల ఫిర్యాదు మేరకు తుళ్లూరు పోలీసులు కేసు నమోదు చేసి నందిగం సురేష్‌ను 78వ నిందితుడిగా పేర్కొన్నారు. నందిగం సురేష్‌కు చిన్న ఆరోగ్య సమస్య ఉందని సమాచారం, కాలర్‌బోన్ (కండరాలు) నొప్పితో బాధపడుతున్నట్లు తెలిసింది. ఈ ఆరోగ్య సమస్య కారణంగా బెయిల్ పిటిషన్ దాఖలు చేయగా, కోర్టు బెయిల్ మంజూరు చేసింది. గతేడాది అక్టోబర్ 7న పోలీసులు ఆయనను అరెస్టు చేశారు. 145 రోజుల తర్వాత ఆయన జైలు నుంచి విడుదల అయ్యారు.