మొంథా తుపాన్ తీవ్రంగా అభివృద్ధి చెందుతున్న నేపథ్యంలో ఆంధ్రప్రదేశ్ రాష్ట్రంలో సముద్ర తీర ప్రాంతాల్లో అప్రమత్తత అత్యవసరమైంది. ప్రస్తుతం ఈ తుఫాను చెన్నైకి 440 కిలోమీటర్లు, విశాఖపట్నంకు 530 కిలోమీటర్లు మరియు కాకినాడకు 490 కిలోమీటర్ల దూరంలో కేంద్రీకృతమై ఉందని APSDMA అధికారులు తెలిపారు. గడచిన ఆరు గంటల్లో 17 కిలోమీటర్ల వేగంతో పశ్చిమ-వాయువ్య దిశగా కదులుతున్నదని పేర్కొన్నారు. సముద్రంపై ఏర్పడిన లోతైన ఉపరితల పీడనం తుఫాను శక్తిని మరింత పెంచుతున్నట్లు నిపుణులు విశ్లేషిస్తున్నారు.
Latest News: TGSRTC Jobs 2025: టీజీఎస్ఆర్టీసీలో ఉద్యోగాలు.. మీరు అప్లై చేశారా..?
రేపు ఉదయానికే ఈ తుఫాను తీవ్ర తుఫానుగా మారే అవకాశం ఉందని అధికారులు హెచ్చరిస్తున్నారు. గాలి వేగం గంటకి 80-100 కిలోమీటర్ల వరకు పెరగవచ్చని అంచనా. ముఖ్యంగా సముద్ర పరిస్థితులు ఎంతో ప్రమాదకరంగా మారే అవకాశం ఉన్నందున మత్స్యకారులు వేటకు వెళ్లకూడదని సూచించారు. తుఫాను సమయంలో ఎత్తైన అలలు, సముద్రపు నీటి ఎత్తైన ప్రవాహం కారణంగా తీర ప్రాంతాల్లో నీటిమట్టం పెరుగుతుందని, తీరం ఆనుకుని ఉన్న గ్రామాలు ప్రత్యేక జాగ్రత్తలు తీసుకోవాలని తెలిపారు.
మంగళవారం సాయంత్రం 4 గంటల నుంచి రాత్రి 11 గంటల మధ్య కాకినాడ సమీపంలో తుఫాను తీరం దాటవచ్చని APSDMA హెచ్చరిస్తోంది. ఆ సమయంలో విస్తారంగా వర్షాలు, ఈదురుగాలులు సంభవించే ప్రమాదం ఉంది. విద్యుత్ అంతరాయాలు, చెట్లు, విద్యుత్ స్తంభాలు కూలిపోవడం, తక్కువ ప్రదేశాలు ముంపునకు గురయ్యే అవకాశం ఉందని అధికారులు హెచ్చరికలు జారీ చేశారు. ప్రజలు ప్రభుత్వ సూచనలు పాటిస్తూ, తుఫానుతో కూడిన ప్రమాద పరిస్థితులలో అత్యవసర సమాచారాన్ని మాత్రమే వినియోగించాలని విజ్ఞప్తి చేశారు.
Read hindi news: https://hindi.vaartha.com
Epaper : https://epaper.vaartha.com/
