MLA Ramesh Babu: ఉమ్మడి విశాఖపట్నం జిల్లాలోని అంగన్వాడీ కేంద్రాల దుస్థితిపై పెందుర్తి ఎమ్మెల్యే పంచకర్ల రమేశ్ బాబు అసెంబ్లీ వేదికగా గళమెత్తారు. గురువారం జరిగిన శాసనసభ సమావేశాల్లో ఆయన మాట్లాడుతూ, జిల్లాలో అంగన్వాడీ కేంద్రాలకు సొంత భవనాలు లేకపోవడం వల్ల చిన్నారులు పడుతున్న ఇబ్బందులను ప్రభుత్వం దృష్టికి తీసుకెళ్లారు.
Read Also: Kadiri narasimha swamy temple : హనుమంత వాహనంపై కదిరి నరసింహ స్వామి దర్శనం
1,500 లకు పైగా కేంద్రాలకు సొంత గూడు లేదు
జిల్లా వ్యాప్తంగా మొత్తం 2,684 అంగన్వాడీ కేంద్రాలు ఉండగా, అందులో 1,584 కేంద్రాలు ఇప్పటికీ అద్దె భవనాల్లోనే కొనసాగుతున్నాయని ఎమ్మెల్యే వివరించారు. ఈ భవనాల్లో పిల్లలకు కావాల్సిన కనీస మౌలిక సదుపాయాలు కూడా లేవని ఆయన ఆవేదన వ్యక్తం చేశారు. కేవలం భవనాల కొరత వల్లే చిన్నారుల హాజరు శాతంపై ప్రభావం పడుతోందని ఆయన పేర్కొన్నారు.
నిధులు కేటాయించాలని విన్నపం
అంగన్వాడీ కేంద్రాలకు నూతన భవనాల నిర్మాణానికి మరియు ఉన్న భవనాల్లో సదుపాయాలను మెరుగుపరచడానికి ప్రభుత్వం తక్షణమే నిధులు కేటాయించాలని రమేశ్ బాబు కోరారు. చిన్నారులకు పౌష్టికాహారంతో పాటు ఆహ్లాదకరమైన వాతావరణం కల్పించినప్పుడే వారి ఆరోగ్యం మరియు విద్యా ప్రమాణాలు పెరుగుతాయని ఆయన సూచించారు.
Read hindi news: hindi.vaartha.com
Epaper: epaper.vaartha.com
Read Also: