వైసీపీ నేత నటుడు పోసాని కృష్ణమురళి అరెస్ట్ అనంతరం అన్నమయ్య జిల్లా ఓబులవారిపల్లె పోలీస్స్టేషన్ కు తీసుకువచ్చిన పోలీసులు, అక్కడే వైద్య పరీక్షలు నిర్వహించారు. జిల్లా ప్రభుత్వ వైద్యుడు డాక్టర్ గురుమహేశ్ పోసాని ఆరోగ్య పరిస్థితిని పరీక్షించారు. పరీక్షల అనంతరం పోసాని ఆరోగ్యంగా ఉన్నారని, ఎటువంటి సమస్యలు లేవని డాక్టర్ వెల్లడించారు. ఈ పరీక్షలు పూర్తయిన తర్వాత పోలీసులు ఆయనను విచారణకు సిద్ధం చేశారు.
పోసాని విచారణ కొనసాగుతున్నా – ఎస్పీ ఆధ్వర్యంలో జాగ్రత్త చర్యలు
పోసాని కృష్ణమురళిపై నమోదైన అనుచిత వ్యాఖ్యల కేసు లో అన్నమయ్య జిల్లా ఎస్పీ విద్యాసాగర్ నాయుడు ప్రత్యక్షంగా విచారణ నిర్వహిస్తున్నారు. నిన్న హైదరాబాద్ లో అరెస్ట్ చేసిన పోలీసులు, నేడు ఉదయం ఆయనను అన్నమయ్య జిల్లా కోర్టుకు హాజరుపర్చేందుకు చర్యలు తీసుకుంటున్నారు. ఈ కేసు రాజకీయ వర్గాల్లో తీవ్ర చర్చనీయాంశంగా మారింది. వైసీపీ నేతలు పోసాని అరెస్టును తీవ్రంగా ఖండిస్తున్నప్పటికీ, అధికార కూటమి మాత్రం ఇది చట్ట ప్రకారం తీసుకున్న చర్యేనని పేర్కొంటోంది.
పోలీస్స్టేషన్ వద్ద వైసీపీ అనుచరుల గుమిగూడి – పోలీసులు అడ్డుగోలు
పోసాని కృష్ణమురళిని అరెస్ట్ చేయడంతో వైసీపీ అనుచరులు, నాయకులు పెద్ద సంఖ్యలో పోలీస్ స్టేషన్ వద్దకు చేరుకున్నారు. అయితే పోలీసులు లోపలికి ఎవరినీ అనుమతించలేదు. పరిస్థితి అదుపులోనే ఉంచేందుకు పోలీసులు అప్రమత్తంగా వ్యవహరించారు. అనుచరులను అడ్డుకోవడంతో కొంతసేపు ఉద్రిక్త పరిస్థితులు ఏర్పడ్డాయి, అయితే ఎలాంటి అవాంఛనీయ ఘటనలు చోటుచేసుకోలేదు. చివరికి వైసీపీ నాయకులు నిరాశతో వెనుదిరిగారు. పోసాని భవిష్యత్తు మీద ఇప్పుడు సినీ, రాజకీయ వర్గాల్లో ఉత్కంఠ నెలకొంది.
