Lokesh-నేపాల్లో చోటుచేసుకుంటున్న హింసాత్మక ఘటనల కారణంగా ఆంధ్రప్రదేశ్కు చెందిన 187 మంది చిక్కుకుపోయారు. వీరిని సురక్షితంగా స్వరాష్ట్రానికి తీసుకురావడానికి రాష్ట్ర ప్రభుత్వం అత్యవసర చర్యలు చేపట్టింది. ఈ సహాయక చర్యలను మంత్రివర్యులు నారా లోకేష్(Nara Lokesh) స్వయంగా పర్యవేక్షిస్తున్నారు. ప్రజల భద్రతకే ప్రాధాన్యం ఇస్తూ, ఆయన తన అనంతపురం పర్యటనను కూడా రద్దు చేశారు. అమరావతిలోని ఆర్టీజీ కేంద్రం ద్వారా లోకేష్ పరిస్థితిని క్రమం తప్పకుండా సమీక్షిస్తున్నారు. “మన రాష్ట్ర ప్రజలు సురక్షితంగా తిరిగి చేరుకునేలా అన్ని చర్యలను సమన్వయం చేస్తాను” అని ఆయన ఎక్స్ ద్వారా ప్రకటించారు.
నేపాల్లో తెలుగు ప్రజల స్థానం
అధికారుల ప్రకారం, ఏపీ ప్రజలు నాలుగు ప్రాంతాల్లో చిక్కుకుపోయారు.
- బఫల్లో – 27 మంది
- సిమిల్కోట్లో – 12 మంది
- పశుపతిలోని మహాదేవ్ హోటల్లో – 55 మంది
- గౌశాలలోని పింగళస్థాన్లో – 90 మంది
మొత్తం 187 మందిని గుర్తించినట్లు అధికారులు వెల్లడించారు. ఇంకా మరికొందరితో సంప్రదింపులు జరుపుతున్నందున ఈ సంఖ్య పెరగవచ్చని తెలిపారు.
రాయబారి కార్యాలయ సహకారం
రాష్ట్ర ప్రభుత్వం ఇప్పటికే నేపాల్లోని భారత రాయబారి నవీన్ శ్రీవాస్తవను(Naveen Srivastava) అప్రమత్తం చేసింది. బాధితులను తక్షణం తరలించేందుకు మరియు భద్రతా ఏర్పాట్ల కోసం రాయబార కార్యాలయంతో (Embassy)నిరంతరం సంప్రదింపులు కొనసాగుతున్నాయి.
సహాయం కోసం హెల్ప్లైన్ నంబర్లు
ప్రభుత్వం ప్రజల కోసం పలు హెల్ప్లైన్ నంబర్లను ప్రకటించింది:
- భారత రాయబార కార్యాలయం, ఖాట్మండు: 977 – 980 860 2881, 977 – 981 032 6134
- ఏపీ భవన్, ఢిల్లీ: 91 9818395787
- ఏపీఎన్ఆర్టీఎస్ 24/7 హెల్ప్లైన్: 0863 2340678
- వాట్సాప్ నంబర్: 91 8500027678
లోకేష్ స్పష్టం చేస్తూ, “తెలుగు ప్రజల భద్రతే మా ప్రథమ ప్రాధాన్యత. వారిని సురక్షితంగా తీసుకురావడానికి కేంద్ర ఏజెన్సీలతో సమన్వయం చేస్తాము” అన్నారు.
నేపాల్లో ఎంతమంది ఏపీ ప్రజలు చిక్కుకుపోయారు?
మొత్తం 187 మందిని ఇప్పటివరకు గుర్తించారు.
ఈ రక్షణ చర్యలను ఎవరు పర్యవేక్షిస్తున్నారు?
ఆంధ్రప్రదేశ్ మంత్రి నారా లోకేష్ స్వయంగా పర్యవేక్షిస్తున్నారు.
Read hindi news:hindi.vaartha.com
Read Also:
